Толины хажууд зургаа бүү даруул

 

Толины хажууд зураг авахуулж байгаа үедээ хүн элдэв аюул, хар цагаан хэл аманд өртөхөөр эмзэг орон зайд ордог. Яг энэ цаг мөчид хүний сэтгэл санаа, сүнс сүлд бүгдээрээ \”нээлттэй” бас их мэдрэмтгий болсон байдаг тул танд муу санадаг, санадаггүй хэн ч зургийг тань харангаа магадгүй санаатайгаар биш ч нүдний хор унаган, атаархана.

Түүнээс гадна гэрэл зураг болон толь өмнөхөөсөө ч дутуугүй еөр нэг аюултай. Толь хуримтлагдсан бүх мэдээллүүдээ хадгалдаг. Ихэнх толь асар их хэмжээний сөрөг энергийг хуримлуулж цуглуулсан байдаг. Ингээд толинд харангаа энэхүү орон зайд орж гарсан хүмүүсийн сэтгэл хөдлөл, мэдрэмж, санаа бодол, элдэв мэдээлэлтэйгээ хамт он жилийн уртад шингээгдсээр, эерэг сайнаасаа илүүтэй сөрөг муу энергийн ‘цөмиин бөмбөг” шиг болно.

Иймд толины хажууд зураг авахуулснаар дүр нь тэрхүү бөөн сөрөг мэдээллийн \”эх үүсвэртэй” хамт мөнхлөгдөж сэтгэл санааны тогтворгүй байдал, өвчин эмгэг, амьдралд азгүйтэл, бүтэлгүйтлийг дагуулна. Толины дэргэд авахуулсан зураг хүний ажил амьдрал, албан тушаал, эргэн тойрны хүмүүсийн хоорондын харилцаанд гээд аливаа бүхэнд зөвхөн сөргөөр нөлөөлсөөр эцэст нь хувийн амьдралыг нь сүйтгэхээс гадна, хамгийн гол нь тухайн хүний сэтгэл санааг нэг мөр үгүй хийнэ.

Хэрвээ энэ хүн энергийн хувьд ямар нэг хамгаалалтгүй бол аажим алгуураар эрүүл мэнд, сэтгэл санааны байдал нь улам бүр суларч муудсаар л байх болно. Зураг бүр дээр хүний сүнс сүлд, сэтгэл санааны өчүүхэн бага ч гэсэн хэсэг хэлтэрхий үлдсээр байдаг тул байнга зураг авахуулахгүй байх нь зүйтэй.

Түүнээс гадна өвчтэй хүнийг унтаж байхад нь зургийг нь авч болдоггүй гэнэ. Унтаж байгаа хүний зурган дээрх дүр тухайн хүний энергийн бүрхүүлийг сулруулснаар хар муу юманд өртөмтгий болно. Хэрвээ удтал өвдсөн хүн зургаа авахуулсан бол тэрээр хэзээ ч эдгэрэхгүй эрсдэлд орж байгаагийн шинж гэнэ. Зургийн хальс түүний өвдөж шаналсан дүр, сөрөг энергийг хадгапж үлдэх тул эдгэрэх тухай ярилтгүй.