Хүний аз жаргалтай амьдрахын үндэс нь гэр бүлийн харилцаанаас эхэлнэ гэвэл та нар нэг их маргахгүй биз дээ. Өөрийгөө хайрлах, өөртөө итгэх сээлф лоов эд нар гээд гоё гоё үгс цаагуур чинь мэдээж байгаа.
Энэ дэлхий дээр иргэний дайн, хүний эрх, дэлхийн дулаарал, усны нөөц, ядуурал, дүрвэгсэд гээд олон чухал асуудлууд бий ч гэр бүлийн аз жаргал, салалт, хүүхдийн хүмүүжил, хүмүүний боловсрол хамгийн чухал асуудал шиг санагддаг. Гэр бүлийн аз жаргалыг ярина гэвэл эхнэр нөхөр хоёрын харилцааг ярих хэрэгтэй. Тэгж байж ээж аав, эцэг эх, хүүхэд, хүмүүжил гэсэн сэдэв рүү орох хэрэгтэй. Тэгвэл эр эм хоёрын харилцаанаас эхэлнэ гэсэн үг. Угаасаа эр, эм гээд хоёрхон л байгаа л даа.
Европчуудын гэр бүл салалтын индэкс өндөр, үеийн залуусын ээж аав нь ихэнхдээ салсан байдаг. Тиймээс орчин үеийн европ залуус гэрлэлтэд яарахаа больжээ. Тэд 30 настай ч гэрлэлтийг урдаа тавьдаггүй, гэрлэх үгүйгээ мэддэггүй, гэрлэлтийг маш холоос авч үзэж байна. 30-тайм байж жоохон хайв фаана болъё гэчихсэн явж байна шд. Гэрлэхгүй байх хамгийн том үндэс нь эдийн засагтай холбоотой. Дараа нь шашингүй үзэл. ( Шинэ үеийн залуус шашнаас татгалзаж байгаа нь мөн эдийн засагтай холбоотой.) Ганц ганцаар амьдарсан ч өөрийгөө авч явах хангалттай цалин, орлоготой тул заавал хэн нэгнийг бараадах шаардлага гарахгүй нь тэднийг биеэ даасан байхад нөлөөлнө.
Аз жаргалтай гэр бүлд өссөн хүүхдүүд хүмүүжлийн доголдол багатай, том болоод ч мөн бусдыг хайрлах, гэр бүлсэг байх чадвар суусан байдаг.
Дунд сургуулиа эргэн дурсахад одоогийн минь зан араншин, сэтгэл зүйн байдалд том нөлөөлсөн болов уу гэж хардаг. Хөвгүүд охидийг өмссөн зүүсэн, хэл яриа, байгаа байдлаар нь үргэлж тохуурхаж, тэр тал дээр багш, сургууль нь анхаарахаар боловсролтой, хөгжилтэй байсангүй. Саяхан ангийн уулзалт болж, тэр ангийн хөвгүүдээ тэр чигээрээ томорч нөхрүүд, аавууд болсоныг харахад нэг бодлын харамсалтай санагдсан.
Эрэгтэй хүнд эмэгтэй хүнтэй, хүүхэдтэй, өөрөөсөө хүч багатай зүйлстэй яаж харьцах тухай маш сайн зааж өгөхгүй бол төрөлхийн нарийн мэдрэмжгүй болохоор хүнд халтай, төвөгтэй хүн болчих гээд байх шиг санагддаг. ( Трампын сонгогч нарын 60% нь ахимаг насны, боловсролгүй эрчүүд байжээ. Гм.) Учир нь энэ дэлхий одоо ч хүйсийн тэгш эрх, эмэгтэйчүүдийн эрхийн асуудалтай байна.
Блог хөтлөхөөр яаж ийгээд хувийн амьдралаа ярих хэрэг гарна. Хоёр жилийн турш герман найз залуутай байсан минь надад соёлын ялгаан дээр хийсэн судалгаа, дадлага ч болсон байх.
Эксээс асуув: – Хэрэв чи нэг эмэгтэйтэй гэрлэчихээд салмаар байвч хүүхдээсээ болоод үлдэж чадах уу?
Экс: – Хэрвээ би тэр хүүхдийн ээжтэй нь сайн харилцаатай байж чадахгүй байгаа бол тэртэй тэргүй салсанаас долоон дор зүйлийг тэр хүүхдэд хийж байна гэсэн үг, тиймээс салах нь илүү муу зүйл байж чадахгүй. Тэрэнд би сургуульд охидыг үснээс нь зулгааж, хөх бөгсийг нь базаж, мээмчгийг нь тайлж, юбкыг нь сөхөж тоглодог байсан гэж ярьвал, за (наачэн) бас арай арай гэнэ.
Би заримдаа энэ нийгэмдээ, найзууддаа гомдно. Яагаад ингээд найз охидоороо гоё бужигнуулаад байж баймаар байхад ихэнх нь ээжүүд эхнэрүүд болоод намайг ганцаардуулчихав аа. Энэ улс нь хүн шиг байсан бол дандаа ийм эдийн засгийн дарамтгүй, гэр бүлд яардаггүй, буруу хүнтэй суудаггүй, дараа нь харамсдаггүй гоё байхгүй юу.
Хөвгүүд боловсролтой, илүү боловсон, жэнтлмэн болох тусам эр эмийн харилцаа төвөг багатай болж ирэх юм шиг санагдаад байна. Яагаад гэвэл эрчүүд одоо хүртэл эрх мэдэл илүүтэйгээр байгаад байна шүү дээ. Гэхдээ эмэгтэйчүүд яах ч ёсгүй гэж ялгаварлаж байгаа юм биш. Бид чинь яагаад гэвэл бас л одоог хэр нь хараат байгаад байна. Ялангуяа монголд. Монгол эр хүнээс эмэгтэй хүний юуг хардаг вэ гэвэл, хөлийн хуруу, хумс, гар эд нар гэнэ. Эмэгтэйчүүд нь гутал гэнэ. Ийм өнгөц юманд дуртайгийн учир юу вэ?
Соёлууд хоорондоо 4,5 хүчин зүйлээр ялгагддагийн нэг нь эр эм хүйсийн давуу байдал байдаг юм байна. Энэ тухай уншихдаа би энэ ялгаа юу, хоцрогдол уу гэж асууж байлаа. Ингээд л фэминизм болоод явчихна ш дээ. Юу хамаагүй хадуураад ингээд нэгмөсөн ном биччихдэг юм уу. Тэгвэл та нар авч унших уу? Мань чинь ойрдоо мөнгөний асуудалтай л байна. Ер нь дандаа л байдаг л дөө.
