БНХАУ-ын Санья хотноо “Miss World 2018” гоо бүсгүй шалгаруулах тэмцээн гурван долоо хоног үргэлжилсний эцэст өнөөдөр дүнгээ гаргаж титэмээ гардуулах гэж байна.
Энэ жилийн тэмцээнд дэлхийн өнцөг булан бүрээс 118 улсын мисс оролцож өөрсдийн авьяас, гоо үзэсгэлэн, ур чадвараар өрсөлдөж, явцын оноогоо цуглуулж дууслаа. Монголын мисс Э.Энхриймаагийн хувьд урьдчилсан шатны шалгаруултад амжилттай оролцсон. Тэрээр, “Miss talent” шалгаруулалтад монгол үндэстэний бүжгээр оролцож, “Шилдэг 10 бүжигчин”-ий нэгээр шалгарсан. Ингэснээр тэрбээр эцсийн шатны шалгаруулалтын үеэр бусад есөн орны мисстэй хамт бүжиглэхээр болсон юм. Мөн Э.Энхриймаа интернэт санал асуулгаар хоёрдугаар байрт бичигджээ.
Ийнхүү урьдчилсан шатанд амжилттай оролцсон Э.Энхриймаа Топ 40-д багтах эсэх нь удахгүй тодорно.
