Шинжлэх Ухааны Академийн Их чуулган боллоо. Энэ удаагийн хуралд Академич хэргэмийг хүртэхээр 14 нэр дэвшигч өрсөлдсөнөөс 7 хүн нийт санал өгөгчдөөс 75 болон түүнээс дээш хувийн санал авч Академич хэргэм хүртсэн байна. Мөн ШУА-ийн гадаад гишүүнээр БНХАУ-ын нэг, ОХУ-ын хоёр эрдэмтэн сонгогджээ.
Шинээр академич хэргэм хүртсэн эрдэмтэд:
- Бүдээбазарын Авид Шинжлэх ухааны Академийн эрдэмтэн нарийн бичгийн дарга, химийн шинжлэх ухааны доктор (Sc.D).
- Бадрахын Бурмаажав ШУА-ийн бүтцийн академиуд хариуцсан нарийн бичгийн дарга, МАУА-ийн Ерөнхий эрдэмтэн нарийн бичгийн дарга, “Монголын анагаах ухаан” сэтгүүлийн хариуцлагатай нарийн бичгийн дарга, “Ач” АУИС-ийн Нийгмийн эрүүл мэндийн тэнхимийн эрхлэгч, МАУА-ийн үндэслэгч гишүүн, анагаахын шинжлэх ухааны доктор (Sc.D), профессор.
- Содномсамбуугийн Дэмбэрэл ШУА-ийн Одон орон, геофизикийн хүрээлэнгийн захирал, геологи, минерологийн шинжлэх ухааны доктор, профессор.
- Сампилдондовын Чулуун ШУА-ийн Түүх археологийн хүрээлэнгийн захирал, Олон улсын Монгол судлалын холбооны ерөнхий нарийн бичгийн дарга, түүхийн шинжлэх ухааны доктор (Sc.D), профессор.
- Очбадрахын Чулуунбаатар ОХУ-ын Дубна хот дахь Цөмийн шинжилгээний нэгдсэн институтийн Мэдээллийн технологийн лабораторийн эрдэм шинжилгээ эрхэлсэн орлогч захирал, физик-математикийн шинжлэх ухааны доктор (Sc.D), Монгол Улсын Төрийн шагналт.
- Рүвжирийн Шагдарсүрэн Гэмтэл, согог судлалын үндэсний төвийн ерөнхий зөвлөх эмч, анагаахын шинжлэх ухааны доктор (Sc.D), профессор, Хүний гавьяат эмч.
- Халтарын Энхжаргал Шинжлэх ухаан, технологийн их сургуулийн Сургалт, оюутны асуудал эрхэлсэн дэд захирал, техникийн шинжлэх ухааны доктор, профессор (Sc.D).
ШУА-ын гадаад гишүүн:
- Ван Мандуга БНХАУ-ын Төвийн үндэстний их сургуулийн доктор (Sc.D), профессор, монгол судлаач
- Сергеев Александр Михайлович Оросын Шинжлэх ухааны Академийн Ерөнхийлөгч, физикч
- Тулохонов Арнолд Кириллович Оросын Шинжлэх ухааны Академийн Сибирийн салбарын Байгаль нуурын байгалийн нөөцийн менежментийн хүрээлэнгийн эрдэм шинжилгээний удирдагч, газарзүйч
