Баян-Өлгий аймагт буусан үерийн улмаас гурван иргэн амь насаа алдсан харамсалтай явдал боллоо

$\"\"$

Баян-Өлгий аймагт баяр наадмын өдрүүдэд хүчтэй аадар бороо, мөндөр орсны улмаас Өлгий сумын төвийн гурван багийн 200 гаруй айл үерт автаад байгаа. Тэгвэл Монгол Улсын Ерөнхийлөгч Ц.Элбэгдорж Баян-Өлгий аймагт болсон нөхцөл байдалд анхаарал хандуулж, хүндрэлтэй асуудлыг шийдвэрлэн, үерт автсан айлуудад яаралтай тусламж үзүүлэн ажиллахыг Засгийн газарт чиглэл болгосон байна.

Энэ сарын 10-ны 16:00 цагийн үед Баян-Өлгий аймгийн 1, 6, 9, 10,
11-р багт их хэмжээний бороо орж, 6, 9-р багт үерийн аюултай байдал үүссэн байна. Үерийн улмаас харамсалтайгаар 9-р багийн иргэн гурван настай О
үерийн усанд урсаж, амь насаа алдсан. Мөн тухайн өдөр нийт 80 гаруй айлын байшин үерийн
улмаас нурсан учраас 6, 9-р багийн иргэдийг яаралтай нүүлгэн шилжүүлэх арга
хэмжээ авч эхэлсэн. Тухайлбал, иргэдийг дотуур байранд түр байрлуулан өмч хөрөнгийг
шилжүүлэх ажлыг аймгийн цагдаагийн газартай хамтран хийж дуусгасан тухай аймгийн Онцгой байдлын газраас мэдээлсэн байна.

Тэгвэл Баян-Өлгий аймагт болсон үертэй холбоотойгоор Казахстан улсын ерөнхийлөгч Н.Назарбаев хохирсон иргэдэд хүмүүнлэгийн тусламж үзүүлэхийг зарлиг болгосон байна. Н.Назарбаевын зарлигийг биелүүлэхээр тус улсын Ерөнхий сайд Карим Масимов Монгол Улсад айлчлахаар болсон тухай мэдээлэл гарч байна. Тодруулбал, Карим Масимов маргааш болох АСЕМ-ийн чуулга уулзалтанд оролцсоныхоо дараа Баян-Өлгийн ард иргэдтэй уулзна гэж эх сурвалжууд мэдээлж байна.

А.Аюуш

$\"\"$