ТЕГ-ын дарга асан Б.Хурц нарын есөн хүнд холбогдох шүүх хуралдаан хаалттай үргэлжилсээр байна. Энэхүү шүүх хурлын явцын талаар Төв аймгийн Сум дундын шүүхийн Тамгын газраас сэтгүүлчдэд мэдээлэл хийлээ.
Төв аймгийн шүүхийн Тамгын газрын зохион байгуулалт хариуцсан мэргэжилтэн Б.Жавхланбаяр “Нийслэлийн прокурорын газраас ирүүлсэн маш нууцын зэрэгтэй шүүх хуралдаан наймдугаар сарын 12-ноос эхлээд гурав дахь өдрөө үргэлжилж байна. Шүүгдэгч нарыг асууж дууссан, хохирогч нараас асуулт асууж дууссан. Одоо гэрч нараас асууж байна. Нийтдээ 49 оролцогч оролцож байна.
Шүүгдэгч нарт холбогдох эрүүгийн хэргийн Төрийн болон албаны нууцын тухай хуулийн 16 дугаар зүйлийн 16.2-т зааснаар маш нууцын зэрэглэлтэй хэргийг прокурорт шилжүүлсэн. Тиймээс дээрх хуулийн 17.1.2-т заасны дагуу маш нууцын зэрэглэлтэй мэдээллийг 20 жилийн хугацаанд нууцална” гэлээ.
Үүний дараа сэтгүүлчдийн асуултад дараах хариулт өгөв.
“Хохирогч Т.Чимгээ, Б.Содномдаржаа нарыг эмч дагалдаж байгаа, эмч цуг ирсэн. Биеийн байдал нь хэвийн. Ухаан алдаж унаагүй. Өчигдөр хохирогч Т.Чимгээ өмгөөлөгчтэйгээ эмчид үзүүлсэн.
Шүүх хуралдаан болж байгаа танхим 54.5 мкв талбайтай. Хамгийн том танхимдаа шүүх хуралдааныг хийж байна. Гурван цонхтой, салхи орох боломжтой. Цонх онгойлгож, хааж байна. Байнга цонх нээлттэй байлгах боломжгүй, нууц алдагдана. Танхимд дөрвөн сэнс, хоёр агааржуулагч ажиллаж байна” гэлээ.
Б.Жавхланбаяр “Маш нууц зэрэглэлтэй учир хэргийг 20 жил нууцална”
}
Шинэ мэдээ
