![\"\"](http://undesten.mn/uploads/posts/2016-08/1470101657_korea.jpg "\\"\\"")
Солонгос эрчүүдтэй суусан эмэгтэйчүүд гэж Эмзэг бүлгийнхэн байна аа…
Надтай хамт арбайт хийдэг, гагнуурчин, намхан нуруутай, 50 настай, архинд дуртай, Солонгос хүн байсан юм. Тэр Солонгос долоон хоногт хоёр өдөр ажиллаад, мөнгөө аваад, архидаад ажилдаа ирдэггүй.
Тэр Солонгос улсын гэр бүл, зуучлалын байгууллагаар дамжуулан, Филлиппин хүүхэн авч байгаа гэнэ. Сая тэр шугамаараа Филлиппин яваад, эхнэрээ сонгоод ирсэн байна.
Тэр мөнгө муутай тул есөн сая воноор 29 настай, Филлиппин хүүхэн авсан гэнэ. 20-иод настай, Филлиппин хүүхэн авахад, 15 сая вон, гээд би авч чадаагүй гэж бид нарт ярьсан юм.
Эхнэр нь хоёр сарын дараа ирнэ. Энэ хугацаанд тус зуучлалын байгууллага эхнэрийг нь оруулж ирэх, бүх бичиг баримтыг бүрдүүлж байгаа гэж ярьсан.
Өөрийн гэсэн байргүй. хөлсний байранд амьдардаг, ийм архичин Солонгостой суух гэж байгаа, тэр Филлиппин хүүхний төлөө би өмнөөс нь маш их санаа зовж билээ…
Би Солонгос улсад 10 гаруй жил ажиллаж, амьдрах хугацаандаа, Солонгос эрчүүлтэй суугаад, Карго ба Монгол хоолны газар ажиллуулж байгаа, Монгол хүүхнүүдийг гайгүй амьдралтай байх гэж боддог юм.
Миний таних, сонссон хүмүүсээс, Солонгос нөхөртэй, Монгол хүүхнүүдийг сайхан амьдарч байгааг би лав мэдэхгүй. Ганц Монгол ч биш Вьетнам, Хятад, Филлиппин, Индонез, Узбекстсан, Казакстан гэх мэт орнуудаас Солонгос эрчүүлтэй сууж ирсэн хүүхнүүдийн амьдрал бас л бүрхэг…
Би долоон хоног бүрийн Мягмар гаригийн 19.30-д KBS-1 телевизийн сувгаар гардаг, ”LOVE AZIA” нэвтрүүлгийг олон жил үзлээ. Гайгүй амьдралтай цөөхөн эмэгтэйчүүд гарсан.
Бусад нь гэр бүлийнхэн нь нас барахад, нутаг руугаа явах замын зардалгүйгээс,очиж уулзаж чадаагүй, төдөн жил болсон гээд л…уйлсан хүмүүс!
Надтай HYUNDAI компаний илгээмжийн газар хамт ажиллаж байсан, Пакистан залуу, нэг удаа намайг дуудаад, энэ Монгол эмэгтэй Солонгос хэл мэддэггүй юм.
Би өчигдөр метроны И тэ вон буудал /Пакистаны элчин байдаг. Халтарууд ихтэй. Янхны газар байдаг гэж сонссон/ дээр танилцаад, хамт хоносон юм.
Дараагийн долоон хоногт, дахин уулзъя гээд хэлээд өгөөч гээд надад утасаа өгсөн юм. Би утасыг чагнатал үнэхээр Монгол хүүхний дуу дуулдаж байсан. Би түүнд: – Xэл мэдэхгүй байж, юун биеэ үнэлэх дуртай юм бэ!
Би чамтай унтсан, энэ Пакистан залууг усанд орж байхыг нь хараа ч үгүй! гээд тэр Монгол хүүхнийг баахан загнаад, утасаа тасалсан. Тэгээд бодоход биеэ үнэлэхэд, хэл шаардлагагүй байдаг юм шиг байна аа…
2011 оны намар манай Чон ан хотын Sun Chon Hayan их сургуулийн эмнэлэгт хүүхдээ хараад хэвтэж байсан, Монгол эмэгтэй, хүүхдийнхээ эмчилгээн дээрээс болоод, Солонгос нөхөртэйгээ хэрэлдээд, гэгээн цагаан өдрөөр, эмнэлэг дотор, олны нүдэн дээр хутгаар нөхрийнхөө хоолойг хэрчээд, нөхөр нь тус эмнэлэгт хэд хоногийн дараа нас барсан хэрэг гарсан.
Ажил хийгээд явж байхад, Солонгосчууд надаас Монгол хүүхэн танилцуулж өгөөч гэж их гуйдаг юм.
Би тэд нарт: – Монгол эмэгтэйчүүд омголон зантай, та нарт өглөө бүр байнга хоол хийж өгөхгүй, уурыг нь их хүргэвэл хоолойг чинь хэрчинэ шүү дээ, гээд дээрхи хэргийг ярихаар тэгвэл болъё гэдэг юм.
Сүүлийн үед Мгл радио.ком дээр Солонгос нөхөртэй, Монгол эмэгтэйчүүдийн талаарх мэдээ, бичлэг их тавигдах болсон.
Солонгос улсад ажиллаж, амьдарч байгаа хүмүүс дээр нэмэгдээд, Монголоос жуучлалаар ирээд, гэр бүлээрээ, эмээ, ач охин хоёр, ах дүү гээд хулгай хийж буй хүмүүс \”Муу дээр муу, муухай дээр улцан\” гэдэг шиг их нэрмээс болдог юм…
Үргэлжлэл бий
Ц.Эрдэнэбат
