Ерөнхийлөгч Ц.Элбэгдоржийн хүү Э.Эрдэнэ АН-ын дүрмийг зөрчиж сонгуульд нэр дэвшсэн үү

 

 

 

 

\”Төрийг дээдлэхэд төрлийг
тэвч\” гэж Монгол ардын эртний зүйр үг байдаг. Гэтэл Монгол төрийг өмчлөөд авчихсан
үр хүүхдүүддээ өвлүүлдэг ихэс дээдсийн хэнээрхэл дээд цэгтээ хүрчээ. Удам дамжсан улстөрч бэлтгэдэг ийм явцуу хүрээнийхний томоос том
төлөөлөл нь Монгол Улсын дөрөв дэх Ерөнхийлөгч Ц.Элбэгдорж болж байна.

Түүний
хоёр дахь хүү Э.Эрдэнэ энэ удаагийн орон нутгийн сонгуульд Нийслэлийн Баянзүрх
дүүрэгт гэв гэнэт гарч ирж нэр дэвшсэн нь олон хүний гайхшралыг төрүүлсэн. Эх
орны хүү, энхийг сахиулагч Э.Эрдэнэ аавынхаа туслалцаа дэмжлэггүйгээр улстөрийн
гараагаа эхнээс нь эхэлж байна хэмээн зарим нэг нь хэлж ярьж байхад, түүний нэр
дэвшсэн Баянзүрх дүүргийнхэн Элбэгдоржийн хүү Ардчилсан намын дүрэм журмыг
зөрчин, аавынхаа дэмжлэгтэйгээр нэр дэвшээд байна гэдгийг хэлээд буй.

Тодруулбал, АН-ын дүрэм журмаар эхлээд намын хороондоо ажиллаж, тэндээсээ ажил
үйлсээрээ манлайлсны эцэст үүрийнхээ гишүүдийн дэмжлэгийг авч нэр дэвших эрхтэй
болдог аж. Гэтэл намын хороонд ажиллаж байгаагүй, асуудлуудыг нь ч мэдэхгүй
нэгэн залуу гэв гэнэт Баянзүрх дүүргийн Ардчилсан намын дарга Д.Пүрэвдаваагийн
татаасаар орж ирэн хамгийн их хэл ам таталдаг 27 дугаар хороонд нэр дэвшсэн нь
иргэдийг ихэд бухимдуулаад байна.

Магадгүй Баянзүрх дүүргийн 27 дугаар
хорооныхон хорооны Засаг дарга Л.Батдэлгэр гэж нөхрөөс салахын түүс болж буй
энэ байдлыг дүүргийн Засаг дарга Д.Пүрэвдаваа гадарлаад Ерөнхийлөгчийн хүүг
найдвартай сонгуулахын тулд түүнд энэ хороог өгсөн бололтой. Энэ зуур
Ерөнхийлөгч Ц.Элбэгдоржийг П.Пүрэвдаваатай тохироо хийж өөрийн хүүгээ Баянзүрх
дүүрэгт дүрэм журам зөрчүүлэн байж нэр дэвшүүлсэн хэмээн үзэх хүмүүс байна. Өнгөрсөн
УИХ-ын сонгуульд Баянзүрх дүүрэгт Ерөнхий сайд Ч.Сайханбилэг, Эрчим хүчний сайд
Д.Зоригт, Сангийн сайд Б.Болор тэргүүтэй намын нөхдөө дашраар нь унагасан
буруутай Д.Пүрэвдаваа намаасаа хатуу шийтгэл хүлээх болоод байгаа.

Тэгвэл
Ерөнхийлөгч Д,Пүрэвдавааг энэ шийтгэлээс чөлөөлж, хамгаалалтад авсныхаа хариуд
өөрийн хүүг улстөрд оруулах тохиролцоо хийсэн байх магадлалтай. Тийм дүр зураг
ойрын өдрүүд улам бүр тодорсоор байна. Намын үүрт бүртгэлгүй хүн хороондоо олон
жил үнэнчээр зүтгэсэн хүмүүсийн урдуур дайран орж ирж нэр дэвшсэнд олон хүн
бухимдалтай байна.

Тиймдээ ч олон хүний дургүйцлийг төрүүлэн орж ирж нэр
дэвшсэн Э.Эрдэнийн ард дүүргийн Засаг дарга Д.Пүрэвдаваа, Ерөнхийлөгч
Э.Элбэгдорж байгааг илчилж эхэлжээ. Хамгийн гол нь, анхнаасаа ингэж дүрэм
журмыг уландаа гишгэн байж эцгийнхээ нөлөөгөөр их улстөрд орж ирэх гэж тэмүүлж
буй Э.Эрдэнэ цаашид шударгаар төр, түмнийхээ ажиллаж чадах уу. Нөгөө талаас
Монгол төрийг өмчлөөд авчихсан мэт ямар ч бүртгэлгүй атлаа ингэж хүч
түрэмгийлэн орж ирж зүтгэдэг нь ямар учиртай юм бэ.

Төрд тийм их хүмүүсийн
шунал хөдөлгөсөн авлига, цавчаа байна уу. Магадгүй \”эцгийн буйд хүнтэй танилц”
гэдэг шиг аавыгаа Ерөнхийлөгч байгаа дээр албан тушаалд очихыг хүссэн байж
болох юм. Харин АТГ, ТЕГ, ЦЕГ гэх мэт байгууллагуудыг гартаа атгаж, авлигачдыг
өөрийн өнгө үзэмжээр шүүдэг гэх Ерөнхийлөгч эцгийнхээ хамгаалалт доор авлига
энэ тэрд авах гэж улайраагүй байгаа даа.

Ямартай ч, дайсныхаа өмнө сөгдөж
үзээгүй энхийг сахиулагч, эх орны хүү Э.Эрдэнэ улстөрийн албан тушаалын өмнө, Баянзүрх
дүүргийн АН-ын дарга Д.Пүрэвдаваагийн өмнө баахан \”сөгдөөд” байгаа бололтой. Харин
хэрэг нь гарч сонгогдох уу, аль эсвэл намынхаа томчуудыг дашраар нь унагаж
намаа сонгуульд оролцуулж чаддаггүй Д.Пүрэвдаваагийн үйлдэл давтагдаж Э.Эрдэнэ
хоосон хоцрох уу гэдэг нь сонин.

Төгс

 

Undesten.mn