Засгийн газрын 100 хоногийн хүрээнд Ардчилсан нам дүгнэлтээ танилцууллаа.
Ардчилсан намын дарга М.Тулгат:
-Ерөнхий сайд Л.Оюун-Эрдэнэ нэр заасан сэтгүүлчдийн хүрээнд тайлангаа өгсөн. Эдийн засаг, эрүүл мэндийн салбараа аврах зорилготой байсан гэж байгаа ч Засгийн газар гамшгийн менежмент хийх чадамжгүй гэдгээ харууллаа. 100 хоногийн ойгоор 184 хүний алтан амь эрсдэж угтлаа. Монгол орон бүхэлдээ 46 мянга гаруй хүн өвдөж, 100 мянган хүн тутамд ногдох өвчлөлийн тоогоор тэргүүлж байна. Израйл Бутан зэрэг манайх шиг цөөн хүн амтай улсад вакцинжуулаад дуусч байхад манайд тун тааруу явагдаж байна. Нэг хаалга нэг шинжилгээнд 8,4 тэрбум төгрөгийн зардал гаргасан ч үр дүнгүй болж, сөрөг хариутай иргэд тайвширч, хөдөлгөөнд идэвхтэй оролцсон. Үүнээс үүдэж халдвар тархсан. Өвчин тархаагүй үед хувь хүнийг яаж элдэж хөөж, мэдүүлэг авч байсан билээ. Гэтэл одоо өвчин тархсан үед утсаа авахгүй, эмнэлгийн ор дүүрсэн гэж байна. Эмч, ажилчдын нийгмийн асуудлыг шийдэж чадаагүй, тусламж үйлчилгээ муу байна. Цар тахлын үед бүтэн жил хөл хорьсон. Энэ хугацаанд бэлтгэл ажил туйлын хангалтгүй байсан. Цар тахалд зарцуулсан 5,1 их наяд төгрөгийн зарцуулалт одоо болтол шилэн биш байна. Энэ их мөнгөний зарцуулалт ил тод биш байгаа нь УИХ-ын сонгуульд зарцуулагдсан байх хардлага төрүүлж байна. Эдийн засгаа сэргээх үүднээс 10 их наяд төгрөгөөр төлөвлөгөө боловсруулсан. Хөтөлбөр ойлгомжгүй, олдоцгүй, хүртээмжгүй байна. Хаашаа мөнгөн урсгал орж байгаа тухай нарийн задаргааны талаар дараа нь мэдээлэл хийх болно.
Шударга ёс хариуцлагагүй байдалтай холбоотойгоор давхар стандарт үүслээ. Энгийн иргэд хоригдоод байдаг. Танил талтай аж ахуй нэгж QR код зөвшөөрөлтэй ажиллаад байдаг. Энгийн иргэн аавтайгаа уулзаж чадахгүй, лайв хийгээд уйлаад байдаг Шадар сайдын эхнэр улаан бүс рүү дураараа орж гараад байдаг. Эмэгтэйчүүдийн баяр болоход эмэгтэйчүүд хүүхэд гаргаад байгаа тул цэрэгт явуулна гэх болчимгүй мэдэгдэл хийсэн. Үүнийгээ Т.Чимгээ дээр очих дарах гэж оролдлоо.
Өнгөрсөн 10 сарын турш цар тахлыг дотооддоо алдаагүй гэж мэдэгдэж байгаа ч эдийн засгаа хумьж, хүүхдийн хичээл сургууль дэлхийн стандартаас хоцорлоо.
Ардчилсан намын Ерөнхий нарийн бичгийн дарга Ч.Өнөрбаяр:
Үлээхэд огцордог сайд байж болохгүй гэж байгаа ч Ерөнхий сайд У.Хүрэлсүх углаашнаас болоод огцорсон. Тэгэхээр хариуцлагаас зугтаад огцорсон гэж ойлгож байна. Манай намд алуурчин, хулгай байна би хариуцлага тооцно гэсэн. Яг үнэнийг хэлэхэд УИХ-ын танхимд хэдэн ЖДҮ-чин байна вэ. Асуудал байгаа бол Сү.Батболд, Ц.Анандбазар нар бүрэн эрхээсээ түдгэлзээд шалгуулаач. УИХ-ын гишүүн байхдаа ч Засгийн газрын гишүүн байхдаа ч Ц.Нямдорж хэрэг ярьдаг байсан. Тэр прокурор, цагдаа нараараа хэргээ яриулаач. Тэдэнд ажиллах боломжийг нь хангаж өгөөч.
