Эрдэнэтийн 49 хувь МАН-ыг талцуулав

УИХ дахь МАН-ын бүлэг хуралдаж \”Эрдэнэт” үйлдвэрийн 49 хувийг төрд
эргүүлэн авахаар шийдэлд хүрсэн тухай мэдээлэл цацагдаж байна. Гэвч энэ мэдээллийг УИХ
дахь МАН-ын бүлгийн дарга Д.Хаянхярваа үгүйсгэсэн юм.

 

 

Тэрээр
\”МАН-ын дарга М.Энхболд Эрдэнэтийн 49 хувийг улсад буцааж авахаар боллоо
гэсэн худал мэдээлэл цацагдсан. МАН-ынбүлэг дээр \”Эрдэнэт” үйлдвэртэй
холбоотой асуудал яригдаагүй.49 хувийг шалгах тухай асуудлаар УИХ-ын
даргын захирамжаар ажлын хэсэг байгуулагдсан. Шаардлагатай гэж үзвэл намын
бүлгүүдэд танилцуулна гэсэн байр суурьтай байгаа. Иргэдэд хандаж хэлэхэд
\”Тавантолгой”, \”Эрдэнэт” үйлдвэртэй холбоотой асуудлаар худал мэдээлэл цацагдаж
байна. Энэ худал асуудал манай гадаад, дотоодын харилцаанд сөргөөр нөлөөлнө.
Өөрөөр хэлбэл, бүлэг шийдвэр гаргаад \”Эрдэнэт”-ийн 49 хувийг буцаагаад авчих юм
байна. Тавантолгойн төслийг400 сая ам.доллараар худалдчих юм байна гэдэг
худал мэдээлэл тарснаар эдийн засагт сөрөг нөлөө үзүүлнэ” гэсэн юм.

 

Гэвч УИХ дахь МАН-ын зарим гишүүд
бүлгийн даргаасаа өөр мэдээлэл өгч байна. Тухайлбал, Эрдэнэтээс сонгогдсон
гишүүн Д.Дамба-очир өөрийн цахим хуудсаар дамжуулан \”Уулын баяжуулах Эрдэнэт
үйлдвэрийг 100 хувь төрийн мэдэлд авахаар боллоо” хэмээн мэдээлсэн байна. Түүний
мэдээллийг уншсан олон хүн \”гишүүн ийм асуудлаар арай ч худлаа зүйл бичихгүй
байлгүй дээ” сэтгэгдэл бичсэн байна. Буруу мэдээлэл бол тэр дороо устаж,
залруулга гарна. Гэвч Д.Дамба-Очирын фейсбүүк хуудсанд энэ мэдээлэл одоо ч
байсаар байгаа учир түүний мэдээллийг баталгаатай гэж ойлгоод байгаа юм.

Тэгэхээр УИХ дахь МАН-ын бүлгийн
дарга Д.Хаянхярваа мэдээлэл муутай явдаг нэгэн байх нь. Эсвэл зориудаар нам
дээрээ яригдсан асуудлыг олон нийтээс нууцлахыг хүссэн байж ч болох юм.

Хууль
зүйн байнгын хорооны дарга Ш.Раднаасэд \”Эрдэнэт”-ийн 49 хувийг төрд нь авах
зүйтэй гэсэн ажлын хэсгийн дүгнэлтийг танилцуулсаар байгаа.

Тэрээр
\”Эрдэнэт”-ийн 49 хувийн худалдан авалтыг шалгах явцад Монгол Улсын Үндсэн
хууль, Засгийн газар, УИХ-ын бүрэн эрхэд халдсан, Олон улсын гэрээ, Банкны
тухай хуулийг зөрчсөн олон зөрчил илэрсэн байна. Тухайлбал, шалгалтын явцад\”Монгол
зэс корпораци” \”Эрдэнэт”-ийн 49 хувийг нийтдээ гурван удаагийн гүйлгээрээр 400
сая ам.доллароор худалдан авсан байна. Энэ хөрөнгийн эх үүсвэрийг шалган үзэхэд
\”Монгол зэс корпораци”-ийн дүрмийн санг ил тод болгосон гэх нэрээр нэмсэн 112
тэрбум төгрөг, нэр бүхий дөрвөн компанид зээлсэн гэх 280.9 сая ам.доллар, мөн
\”Монгол зэс корпораци” өөрөө \”Худалдаа хөгжлийн банк”-наас зээлсэн гэх 75 сая
ам.доллар байна. Гэтэл энэхүү компаниуд нь бүгд \”Худалдаа хөгжлийн банк”-наас
дээрх хөрөнгөө зээлсэн нь тогтоогдсон.

Гэтэл
энэхүү компаниуд нь бүгд \”Худалдаа хөгжлийн банк”-наас дээрх хөрөнгөө зээлсэн
нь тогтоогдсон. Зээлийг авахдаа Өмнөговьд ирээдүйд баригдах цахилгаан станц,
зэс худалдан авах гэрээ эсвэл огт байхгүй зүйлийг барьцаалсан байдаг.

Ингэхдээ
тухайн зээлийг авахдаа Өмнөговьд ирээдүйд баригдах цахилгаан станц, зэс
худалдан авах гэрээ эсвэл огт байхгүй зүйлийг барьцаалсан нь тогтоогдсон.
Мөн одоогийн Банкны тухай хуулийн 3, 5, 6, 7 дугаар зүйлд банкны эрхлэх үйл
ажиллагааг заасан байдаг. Гэвч \”Худалдаа хөгжлийн банк”-ны удирдах албан
тушаалтан, гол хувьцаа эзэмшигчид нь 2010, 2011 оноос өөрийн нэр дээр олон ААН
байгуулж, төрийн өмчийг хувьчлах, худалдаж авах, концессийн гэрээ байгуулах
зэргээр арилжааны бизнесийн үйл ажиллагаа явуулсан байна. Ингэхдээтөсвийн
бонд, Монголбанкнаас хууль бусаар олгосон зээл өөрийн банкны эх үүсвэр зэргийг
ашигласан байх үндэслэлтэйбайна. Үүнээс гадна тус банкны удирдлагууд
дүрмийн сангаас давсан зээлийг \”Монгол зэс корпораци”-д олгож, халхавчны
шинжтэй хуурамч гэрээ хийж 400 сая ам.доллар шилжүүлжээ.Иймд ажлын хэсэг
\”Эрдэнэт” үйлдвэрийн 49 хувийг улсад шилжүүлж, 100 хувь төрийн мэдэлд өгөх
санал гаргаж байна.Эргүүлэн авахдаа Засгийн газрын мэдэлд хэлэлцүүлэг
авах нь зүйтэй” гэсэн дүгнэлтийг танилцуулсан.

Эндээс төрийн өмчийг хууль бусаар
худалдан авсан гэсэн нь тогтоогдчихоод байна. Тиймээс л төр өмчөө эргүүлэн авах
шаардлагатай юм. Бодож, тээнэгэлзээд байх шаардлага алга байна шүү дээ. Мэдэн
будилах хэрэг бүр ч алга. \”Монголын зэс” гэх компани өөрт байхгүй хөрөнгөөр л
Эрдэнэт үйлдвэрийн 49 хувийг авчихсан байна. Энэ нь хууль бус гэдгийг ажлын
хэсэг шалгаад тогтоочихлоо. Тун ойлгомжтой. Одоо УИХ-аар хэлэлцээд хууль бус
худалдан авалтад хориг тавьж төрийн мэдэлд 100 хувь шилжүүлээд л болчихно. Төр
бол ард түмэн юм. Ард түмэн л өмчөө хамгаалах ёстой. Харин ашиг сонирхлын
зөрчилтэй зарим хүмүүс Эрдэнэтийн 49 хувийг төрд биш хувьд байх нь зүйтэй гэж
үзэн хууль бус асуудлыг өнөөдрийг хүртэл сунжруулсаар байгаа юм.

Үндэстэн агентлаг