Улаанбаатар хот орчмоор долоодугаар сарын 20, 21-ний өдрүүдэд аадар бороо орох төлөвтэй байгаа талаар Цаг уур, орчны шинжилгээний газар /ЦУОШГ/-аас мэдээллээ.
Тодруулбал долдугаар сарын 20-ны орой дуу цахилгаантай аадар бороо орж 20-21-нийг шилжих шөнө, 21-ний өдөр үргэлжилсэн маягтай бороо орох юм байна.
Долдугаар сарын 22-нд бага зэргийн бороотой Долдугаар сарын 23-ны орой дуу цахилгаантай түр зуурын бороо орох аж. Долдугаар сарын 18, 19-нд нэлээд халж өдөртөө 25-30 градус хүрэх боловч 20-ны оройгоос бороошиж шөнөдөө 10-15 градус, өдөртөө 21-26 градус дулаан байх төлөвтэй байгаа юм байна.
Мэргэжлийн байгууллагуудаас өгч буй сэрэмжлүүлэг мэдээллийг цаг тухай бүрд нь авч, болзошгүй үер усны аюулаас сэрэмжтэй байхыг ЦУОШГ-аас анхаарууллаа.
