Дэлхийн хамгийн өндөр настай эрэгтэйд тооцогдож байсан Их Британийн иргэн Жон Тиннисвүүд 112 насандаа таалал төгсжээ.
Насаараа Ливерпүүл клубийн шүтэн бишрэгч байсан түүнийг энэ оны дөрөвдүгээр сард Гиннесээс хамгийн өндөр настай эрэгтэйгээр зарласан.
Түүний өмнө 114 настай Венесуэлийн иргэн хамгийн өндөр настай эрэгтэйд тооцогдож байсан юм.
Тэрээр 1912 онд буюу Титаник хөлөг онгоц живсэн жил төрсөн бөгөөд 2020 онд Их Британийн хамгийн өндөр настай эрэгтэй болж байжээ.
2012 онд түүнийг 100 нас хүрсний дараа жил бүр хатан хаан Элизабет түүнд төрсөн өдрийн мэндчилгээ хүргэдэг байжээ. Харин хатан хааныг нас барсны дараа Чарльз хаан мэндчилгээ илгээдэг болсон байна.
Эх сурвалж: ВВС
