Энэ сарын 9-нөөс буюу маргаашаас нийт нутгаар хүйтний эрч суларна.
Хур тунадас: Өнгөрсөн хоногт Хангай, Хөвсгөлийн уулархаг нутаг, Орхон-Сэлэнгийн сав газраар 0.0-0.2 мм ялимгүй цас орсон байна.
Агаарын хамгийн их температур: Өчигдөр өдөр Дархадын хотгор, Монгол-Алтай, Хэнтийн уулархаг нутаг, Завхан голын эх, Тэс, Орхон, Сэлэнгэ, Хараа, Ерөө, Туул, Тэрэлж, Хэрлэн, Халх голын хөндий, говийн бүс нутгийн хойд хэсэг, Дорнод-Дарьгангын тал нутгаар -17…-25 градус, Хангайн нурууны өвөр бэл, говийн бүс нутгийн баруун өмнөд хэсгээр -1…-8 градус, бусад нутгаар -9…-16 градус хүйтэн байв.
Агаарын хамгийн бага температур: Өнгөрсөн шөнө Увс нуурын хотгор, Монгол-Алтай, Хангай, Хэнтийн уулархаг нутаг, Завхан голын эх, Хүрэнбэлчир орчим, Тэс, Эг, Үүр, Орхон, Сэлэнгэ, Хараа, Ерөө, Туул, Тэрэлж, Хэрлэн, Онон, Улз, Халх голын хөндий, Дарьгангын тал нутгаар -28…-38 градус, Хангайн нурууны өвөр бэл, говийн бүс нутгийн баруун өмнөд хэсгээр -12…-19 градус, бусад нутгаар -20…-28 градус хүйтэн хонов.
Салхи: Ихэнх нутгаар баруун хойноос секундэд 4-9 метр, говь, тал, хээрийн нутгаар зарим үед секундэд 12-14 метр хүрч ширүүссэн байна.
Улаанбаатар хот орчмоор: Өнгөрсөн хоногт цас ороогүй. Салхи баруун хойноос секундэд 4-9 метр. Өчигдөр өдөр -18…-19 градус, өнгөрсөн шөнө Яармаг-Сонгины орчмоор -34 градус, бусад хэсгээр -25…-27 градус хүйтэн хоносон байна.
Эх сурвалж: ЦУОШГ, Урьдчилан мэдээлэх хэлтэс
