ОХУ-д өнгөрсөн гуравдугаар сарын 18-ны өдөр Ерөнхийлөгчийн сонгууль зохион байгуулагдаж, бие даан нэр дэвшсэн өнөөгийн Ерөнхийлөгч В.Путин нийт сонгогчдын 76.8 хувийн санал авч, үнэмлэхүй ялалт байгуулсан билээ. Түүний тангараг өргөх ёслол өчигдөр Кремлийн танхимд боллоо.
Ерөнхийлөгч Путины тангараг өргөх ёслолд Засгийн газрын элч төлөөлөгчид, урлаг соёлын зүтгэлтнүүд уригдсан бөгөөд мөн Холливудын алдарт жүжигчин, буддист Ренбүчи Стивен Сигал өөрийн гэргий С.Эрдэнэтуяагийн хамт уригджээ. Түүний гэргий С.Эрдэнэтуяа Ерөнхийлөгчийн тангараг өргөх ёслолд оролцохдоо Монгол үндэсний дээлээрээ гоёсон байлаа. Тэрээр хүндэтгэлийн дэвтэр дээр “Манай хөрш орны төрийн тэргүүн, миний нөхрийн дотнын найз, Владимир Путиний тангараг өрөх ёслолд уригдсандаа их баяртай байна” гэж бичсэн байна.
