![\"\"](http://undesten.mn/uploads/posts/2015-09/1441241503_xorix.jpg "\\"\\"")
Өршөөл үзүүлэх тухай хуулийн төсөл өргөн барих явцдаа засвар орсон хэмээн
улс төрийн хүрээнийхэн тайлбарлаж байгаа. Тиймээс авлига хээл хахуулийн хэргээр
буруутгагдан шүүхээс ял сонссон хүмүүс энэ хуульд хамрагдах ёсгүй гэж үзсэн.
Монгол Улсын Ерөнхийлөгч ч тус хуулийн зарим заалтад хэсэгчлэн хориг тавьсан
юм.
Харин Ерөнхийлөгчийн хоригийг УИХ-ын намрын чуулганаар хэлэлцэх болов уу
гэсэн таамаг байна. Тус хоригийг УИХ-ын гишүүд дэмжих, үл дэмжихээс хамаарч зарим
олны танил эрхмүүд өршөөлд хамрагдах эсэхээ хүлээж сууна. Монгол Улсын
Ерөнхийлөгч асан, МАХН-ын дарга Н.Энхбаяр, УИХ-ын гишүүн асан Д.Дондог, УИХ-ын
гишүүн асан Ц.Батбаяр, Эрүүл мэндийн яамны Төрийн нарийн бичгийн дарга асан
Н.Түмэндэмбэрэл, Хөтөлийн цемент шохойн үйлдвэрийн захирал асан А.Шоовдор, Ашигт малтмалын газрын дарга асан Д.Батхуяг
гэх мэт авлига, албан тушаалын хэргээр буруутгагдсан маш олон хүн Өршөөл
үзүүлэх тухай хуулийн өршөөгдөх болоод
байсан юм. МАХН-ын дарга Н.Энхбаярын захиалгатай хуульч гэж нэрлэж байгаа. Харин
Монгол Улсын Ерөнхийлөгч хэсэгчлэн хориг тавьснаар тус хууль хэрэгжих боломжгүй
гацаанд ороод байгаа юм.
Үүнээс үүдэн албан тушаалын хэрэгтнүүдээс бусад буюу анх удаагаа санамсар
болгоомжгүйгээс хэрэг үйлдсэн, хорихоос өөр төрлийн ял сонссон гэхчлэн
өршөөгдөж болохуйц хэрэг үйлдсэн хүмүүсийг хэрхэх нь ч тодорхойгүй байдал
хүрээд байгаа.
Тэгвэл Өршөөл үзүүлэх тухай хуулийг хэрэгжүүлэх комисс байгуулагдаж хоёр ч
удаа хуралдсан бөгөөд өчигдөр болсон хурлаас Ерөнхийлөгчийн хэсэгчилж тавьсан
хоригоос бусад заалтыг хэрэгжүүлээд явах боломжтой гэж үзсэн байна.
Тухайлбал, хорихоос өөр төрлийн хөнгөн ял шийтгүүлсэн, хууль тогтоомж
зөрчиж, захиргааны зөрчил гаргасан, 2015 оны долдугаар сарын 2-ноос өмнө
автомашин барьж яваад зөрчил гаргаж, жолоо барих эрхээ хасуулсан, жирэмсэн
эмэгтэй, гурав хүртэлх насны хүүхэдтэй эх эсвэл ганц бие эцэг, насанд хүрээгүй
хүн зэргийн хэргийг хэрэгсэхгүй болгож өршөөлд хамруулах ажлыг хуулийн дагуу
шуурхай шийдвэрлэхээр болсон байна.
Амар
