Өнөөдөр болох үйл явдлын хураангуй
09:00 цагт: Захиргааны ерөнхий хууль, захиргааны шүүхийг хамгаалсан сэтгүүлч эмэгтэйн нийтлэлд эмзэглэсэн УИХ-ын гишүүн Х.Нямбаатар сэтгүүлч эмэгтэйг шүүхэд өгчээ. Шүүх хурал Нийслэлийн шүүх дээр болно.
09:30 цагт: Тусгаар тогтнолын ордны гурван давхарт аймаг бүрээс хүрэлцэн ирсэн 300 орчим аварга, мянгат малчдын зөвлөгөөн болно. Тэд МАА-н салбарын ололт амжилт, тулгамдсан асуудлаар болон МАЛЧДЫН НЭГДЭЛ байгуулахтай холбогдуулан санал санаачилгаа нэгтгэх, төр засагтаа дуу хоолойгоо өргөхөөр хуран цугларна. Мөн энэ үеэр насаараа малаа маллан аж төрж буй малчдын баярын хурал болно. Зөвлөгөөн Тусгаар тогтнолын ордны 3 давхарт, Хан Уул дүүрэгт байрлах Paris event hall ресторанд 14 цагт тус тус болно
11:00 цагт: Төрийн ордонд УИХ-ын гишүүн Л.Оюун-Эрдэнэ, Т.Аюурсайхан, Ж.Батзандан, Л.Болд нар “МАНАН дэглэмийн эсрэг монгол түмний нэгдэл”-ээс зохион байгуулах гэж буй бүх нийтийн эсэргүүцлийн жагсаалын талаар хэвлэлийн бага хурал хийнэ.
11:00 цагт: АТГ-ын дэргэдэх “Олон нийтийн төв”-д сар бүрийн 25-нд зохион байгуулдаг ээлжит хэвлэлийн хурал болно.
12:00 цагт: MN-Мэдээллийн төвд “МАНАН дэглэмийн толгойлогч М.Энхболдыг огцруулъя” сэдвээр төрийн бус байгууллагууд нэгдэж мэдээлэл хийнэ.
12:30 цагт: НЦГ-ын 108 тоотод Цагдаа, Онцгой байдал, Мэргэжлийн хяналтын байгууллагаас цаг үеийн асуудлаар мэдээлэл хийнэ. Мөн цагдаагийн байгууллагаас сүүлийн үед үйлдэгдсэн гэмт хэргийн талаар болон сэрэмжлүүлэг мэдээлэл өгнө.
