Өнөөдрөөс 55 жилийн тэртээ 1963 оны 12 сарын 27-ны өдөр Америкийн дуу бичлэгийн “Capitol” фирм Битлзийн “I Wanna to Hold Your Hand”/“I Saw Her Standing There” гэсэн хоёр дуу бүхий синглийг гаргав.
“Сингл” гэж минутанд 45 эргэлттэй, 18 см-ийн (7 инч) диаметр бүхий хоёр талдаа тус бүр нэг дуутай пянзийг хэлдэг. Энэ дуу 1964 оны хоёрдугаар сараас эхлэн Америкийн хит парадын эхний байранд орсон бөгөөд энэ жилийн турш тэдний 6 дуу хит парадыг тэргүүлсэн байна. Ийнхүү Битлз америк тив рүү амжилттай нэвтэрч эхэлсэн байдаг.
