Монгол Улсын Үндсэн хуульд нэмэлт өөрчлөлт оруулах тухай хуулийн төслийг Монгол Улсын Ерөнхийлөгч санаачлан боловсруулж өнөөдөр өргөн барих гэж байгаа билээ. Уг хуулийн төсөлд гишүүдийн тоог 108 болгон нэмэгдүүлэх, УИХ-ын гишүүний бүрэн эрхийн хугацааг таван жил болгох зэрэг өөрчлөлт тусгажээ.
Тэгвэл өнөөдөр Монгол Улсын Үндсэн хуульд оруулах нэмэлт өөрчлөлтийн төсөлд өгөх санал, дүгнэлтийг Засгийн газрын хуралдаанаар хэлэлцсэн байна. Засгийн газраас уг хуулийн төслийг дэмжээгүй бөгөөд гишүүдийн гаргасан саналыг нэмж тусган хууль санаачлагчид буцаажээ.
