2012.12.21-нд дэлхий сүйрэх цуу Монголоор нэг дэгдэж билээ. Энэ дэлхий хэдэн сараар харанхуй болох юм байх. Хүмүүс лаа шүдэнз нөөцлөв, эсгий гэр авав. Дэлхий сөнөхөд амьд үлдэх юм байх. Харин тэр “хэдэн сар харанхуй” байна гэдэг нь Түвдийн нэгэн ламын үг л дээ. Сүсэгтнүүд ямар ч эрэгцүүлэн бодолгүйгээр бараг дөрөв дүгээр ангийн ч боловсролгүй дэлхийг зааны нуруун дээр байдаг хавтгай гэж бодож явдаг бүдүүлгийн дээд бүдүүлэг харанхуй түвд ламын үгэнд итгэж л байдаг.
Харин энэ завшааныг луйварчид ашиглан шүдэнз дамлан зарж ард түмнээ хулхидан мөнгө олсон хэрэг. Тэдний тэргүүн магнайд орифлом хочит Оюунгэрэл байж билээ. За тэр ч яах бэ өнгөрсөн түүх.
Харин энэ жил корона гэж мангас дэлхийн хүн амыг ёстой нэг залгиж байна.
Коронавирус гэж юу бэ?
Вирус гэдэг нь бие даан өсч үржих чадваргүй, зөвхөн амьд эзэн эсийн уургийн нийлэгшлийн ферментийг ашиглан үрждэг бичил биетэн юм. Коронавирус нь вирус дотроо харьцангуй том, хүнд биеийнхээ гадна талаар титэм хэлбэртэй ургацтай бичил биет юм. Агаарт удаан дэгдэж чадахгүй оршин байсан биетээсээ тасраад салхигүй нөхцөлд 1.5 м ээс холдолгүй газардана.
Гэсэн хэдий ч Титэм вирусын халдвар ханиах, найтаах үед агаараар болон ойрын хавьтлаар дамжин халдварлагдан олон арван мянган хүний аминд хүрээд байна. Яг энэ завшааныг ашиглан гадаад дотоодгүй хүний айдас дээр ЛУЙВАРЧИД тоглолт хийн эрэгцүүлэн бодох чадваргүй давхрагыг ёстой цөлмөж байна.
1. АНУ Майами дахь Христийн “Эрүүл мэнд ба эдгэрэлийн” сүмд Master Mineral Solution” (MMS) гэгч бурхны ус байгаа юм байх “ариун ёслолын тунгаар” уух юм бол COVID-19-ээс урьдчилан сэргийлэх үйлчилгээтэй гэнэ ээ. Энэ нь насанд хүрэгчдэд зургаан дусал “идэвхжүүлсэн MMS” -ийг нэг стакан усанд найруулж хоёр цаг тутамд уухыг сүмээс зөвлөжээ. /”Бүтэн амьдрал” гэх Монголын олон ангит киног үзсэн бол ийм луйвар байдгийг сайн мэдэх байх…/
Эдгэрлийн сүмийнхэн MMS-ийг зөвхөн өөрийнхөө сүмийнхэнд “ТАРААНА” гэж өөрийн сайтдаа бичжээ. Үнэндээ бол үүнийг сонирхсон хүмүүс уг сүмд элсэн орж, цалингийнхаа 10% -ийг өгөөд л авна гэсэн үг. Харин энэ MMS уусмал гэгч нь ахуйн хэрэгцээний ( bleech) цайруулагч бодис болох хлорын давхар исэл байсан ажээ. Хэрэв үүнийг хүн хэрэглэх тохиолдолд хлорын давхар исэл нь амьсгалын дутагдал, элэгний дутагдал, цусны эсийн тоо багасах ходоод шархлуулах НОЦТОЙ АЮУЛТОЙ.
Үүнээс үүдэн Майами дахь холбооны шүүгч, Хууль зүйн яамны мэдэгдэж буйгаар үйлдвэрлэлийн хүчин чадалтай цайруулагч бодсыг COVID-19-ийн илчлэг эм хэмээн зарахыг хориглосон захирамж гаргажээ.
2. 2020 он гарахтай зэрэгцэн нөгөө коронараас үүдэн каринтин зарлагдав. Монголын цагаан сар уламжлалт баяр маань ойртож байлаа. Энэ баяр лам нарын хувьд жинхэнэ орлогын эх булаг байдаг. Ирж буй жилийн Засалын нэртэй түвд хэл дээр бичигдсан зүгээр л аман зохиол төдий ном уншуулах гэсэн сүсэгтнүүдийн мөнгийн нь хураах цаг шүүдээ. Гэтэл төрөөс хөл хорио тогтоов.
Аргаа барсан Хамба лам Д.Чойжамц шинэ коронавирус, томуугийн халдвараас сэргийлэхийн тулд Гандантэгчинлэн хийд өдөр бүр ном хурж , коронаг бууруулдаг үрэл бэлтгэж, тараана гэж зарлав. Бантсан хамба “Энэ жил Хятадад дэлхий даяар тархсан аймшигтай ханиад гарлаа. 700 жилийн өмнөх сударт ирээдүйд цаг цөвтөхийн цагт сарьсан багваахайнаас үүссэн их хижиг өвчин амьтан, хүнийг зүдрээнэ гэсэн байдаг. Үүний эсрэг ямар уншлага хийж, үрэл утлага гаргах вэ гэсэн заавар ч байдаг” гэв.
Тийм юм байдаг бол түүнийгээ ашиглаж Дэлхийн Эрүүл Мэндийн байгууллагад явуулаад Монгол Улсыг өрнөөс салгачихгүй яагаад таг болов. Баталж чадахгүй нь л ойлгомжтой…
3.Монголд Япон улсын ТOAMIT VIRUS SHUT OUT хлорын давхар ислийн агууламжтай зөөврийн агаар ариутган цэвэршүүлэгч, нян вирусээс хамгаалагч карт гадуур их л эрэлттэй байгаа юм байна. Их Хурлын гишүүд түүгээр их гоёжээ. Бүр цэнхэр карт зүүгээд маскаа аваад чулуудчихсан байна. Бүр COVID19 ээс хамгаалах юм байх. Шинжлэх Ухаан мэдлэггүй ийм хүмүүс бидний дээр хууль дүрэм боловсруулаад суудаг гээд боддоо.
Нэртэйгээр нь ам арчдаг цаас хлорминд дэвтээгээд толгой дээрээ наачихаад коронагаас хамгаал л даа.
Нөгөө Луйварчид нь их хурлын гишүүддээ баярлалаа, та нарт маскгүй зохиж байна гэх нь холгүй, хөл хөөрцөг болцгоож байсан. Удалгүй 2020 оны 4-р сарын 17 өдөр яаран сандран манай фейсбүүк хуудас нь өөрсдийн хэрэглэгчиддээ анхнаасаа Ковид-19 өөс хамгаална гэж худал ташаа мэдээлэл болон ятган борлуулах үйлдэл хийгээгүй гээд бие хамгаалаад эхлэв.
Гишүүдээ та нар одоо яана! Шатчихсан уу?
4. Мөн яг үүнтэй адил үйлчилгээтэй AIR DOKTOR MONGOLIA гэж байх юм.
Монголд вирус судлалаар тэргүүлэх эрдэмтэн доктор акадимч Монголын Эрүүл Мэндийн яамны сайд асан П. Нямдаваа Монголын Үндэсний Олон Нийтийн Телевизээр , AIR DOKTOR Ялтсыг энгэртээ наачхаад маск зүүлгүйгээр вирусын тухай бүр COVID19 талаар яриад сууж байна.
Хэн ч энэ хүнд итгэхээр гэтэл хлормин түрхсэн энэ цаас корона вирусыг хамгаалахгүй гэдгийг энэ хүн мэдэж байгаа шүүдээ.
Т
эгвэл яагаад энэ хүн зүүсэн юм гэж үү? Энэ хлорминтой цаас өөрийнх нь гэр бүлийн бизнес ажээ. Доктор маань Covid19 өөс айсан хүмүүсийн сэтгэл зүй дээр өөрийн нэр хүндээ ашиглан тоглолт хийж байна шүү дээ. Эрдэмтэн хүн ард түмнээ эрсдэлд оруулахад ч бэлэн гэж үү?
