Улсын Онцгой комиссын шийдвэрийн дагуу БНСУ-аас иргэдээ татах Сөүл-Улаанбаатар чиглэлийн тусгай үүргийн онгоц өнөөдөр 10:58 цагт “Буянт-Ухаа” олон улсын нисэх буудлаас хөөрлөө.
Тус нислэг өнөөдөр 19:00 цагт Улаанбаатарт газардах хуваарьтай бөгөөд энэ удаагийн нислэгээр нийт 264 иргэн эх орондоо ирэх юм. Эдгээр иргэдийг учир шалтгаанаар нь ангилан үзвэл, бага насны хүүхэдтэй гэр бүл-54, жирэмсэн-14, өндөр настан, асран хамгаалагчтай-28, хөгжлийн бэрхшээлтэй-3, эрүүл мэндийн шалтгаантай-25, бусад хүндэтгэн үзэх шалтгаантай-140 иргэн байна.
Энэ удаагийн нислэгээр ирэх иргэдийг ХӨСҮТ, ЦТЭ, “Амар”, “Би Жи” зочид буудлуудад тусгаарлахаар төлөвлөжээ.
