Архангай аймгийн Батцэнгэл суманд бүртгэгдсэн сэжигтэй тохиолдол болох иргэн Б болон хамт явсан 5 настай хүүгийнх PCR шинжилгээний хариу эерэг гарчээ. Энэ хүрээнд Аймгийн Онцгой комиссоос өвчин илэрсэн иргэний 1-р хавьтлын хүмүүсийг тусгаарлан шинжилгээнд хамруулж, явсан газрын маршрутыг тодорхойлж байна. Ихтамир сумын 3-н иргэн тухайн айлаас очиж идэж авсан буюу 1-р хавьталд байгаа юм.
Тэдгээр иргэдийг шинжилгээний хариу сөрөг гарсан хэдий ч Ихтамир суманд тусгаарлаад байна. Энэ дагуу аймгийн Засаг даргын захирамж гарч Батцэнгэл, Ихтамир сумдад 11-р сарын 28-ны 16:00 цагаас 12-р сарын 1-ны 16:00 цаг хүртэл 72 цагийн хатуу хөл хорио буюу 0 зогсолт хийх шийдвэрийг гаргалаа.
Архангай аймгийн хувьд бусад сумд болон аймгийн төвд хатуу хол хорио зарлаагүй өмнөх шийдвэрийн дагуу бэлэн байдлын зэрэг байгаа. ХӨСҮТ-өөс аймгийн Онцгой комиссод 11-р сарын 27-ны өдөр Ковид19-ийн батлагдсан тохиолдлын нэг дүгээр хавьтагч Иргэн Б-г энэ сарын 15 ны өдөр гэр бүлийн хамт Улаанбаатар хотоос Батцэнгэл суманд ирсэн гэдгийг мэдээлсэн юм. Энэ хүрээнд аймгийн Онцгой комисс шуурхай арга хэмжээ авч ажиллаж байна.
