Мьянмарт өрнөж буй тайвнаар жагсагчдын эрхэд зүй бусаар халдаж байгаа явдлыг эсэргүүцэж, Монгол залуус дуу хоолойгоо өргөж байна. Бид нэг дэлхийд оршиж, нэг агаараар амьсгалж буй тул хүчирхийлэл, хүний эрхийн зөрчлийг хүлцэж, дуугүй өнгөрөөж болохгүй гэдгийг онцолжээ.
Мяньмар улсад энэ оны хоёрдугаар сарын нэгнээс цэргийнхэн хууль ёсны дагуу сонгогдсон удирдагчдыг хорьж, төрийн эргэлт хийсэн. Нийгэм улс төрийн эрхээ эдлэн олон мянган иргэн тайван замаар жагсаал хийж, тус үйл явдлыг шүүмжилж буй. Үүнийх нь төлөө цэргийнхэн хүч хэрэглэн олон арван жагсагчдын аминд халдсан, зүй бус хэрэг гарсаар байна.
Хүн бүрийн хүсэж мөрөөддөг сайн сайханд хүрэхийн тулд өнөөдөр бид эрх нь зөрчигдөж буй нэгнийхээ төлөө дуу хоолойгоо хүргэх учиртай. Залуучууд шударга ёс, хүний эрх дэлхийн бүх хүний үнэт зүйл тул бид нэгдэж байна гэлээ.
Бичлэгийг энд дарж хүлээн авна уу.
