УИХ-ын чуулганы нэгдсэн хуралдаанаар Монгол Улс, Азийн дэд бүтцийн хөрөнгө оруулалтын банк хоорондын зээлийн хэлэлцээрийн төслийг соёрхон батлах тухай хуулийн төслийг хэлэлцэж байна.
Хэлэлцэж буй асуудалтай холбогдуулан УИХ-ын гишүүн Т.Аюурсайхан Засгийн газрын гадаад өрийн асуудлыг тодрууллаа.
Тэрбээр “Гадаад өр гэдэг бол үндэсний аюулгүй байдалтай салшгүй холбоотой. Засгийн газрын өрийн хязгаар нь хуульд заасан хэмжээнд байна уу аль эсвэл түүнээс давсан уу. 2021 онд хэдэн долларын гадаад өрийг төлсөн бэ. 2022 онд хүлээгдэж буй гадаад өрийн төлбөр хэд байгаа вэ. Үүнийг төлж чадах уу” хэмээн Сангийн сайдаас асуулаа.
Үүний хариуд Сангийн сайд Б.Жавхлан “Сүүлийн нэг жилийн хугацаанд олон талт хамтын ажиллагаатай түнш байгууллагуудаас нийтдээ 998 ам.долларын ерөнхий хэлэлцээрийн гэрээ хийсэн. Ашиглалт зарцуулалт өөр. Ирэх 3-4 жилийн хугацаанд хэрэгжих төсөл хөтөлбөрүүдийг зарцуулах зээлийн хэлэлцээрийн ерөнхий гэрээ гэсэн үг. Засгийн газрын өр нийтдээ 8.4 тэрбум ам.доллар. Сүүлд долоодугаар сард хийсэн төсвийн тодотголоор ДНБ-д эзлэх Засгийн газрын өрийн дээд хязгаар энэ жил 70, ирэх жил 65, түүний дараа жил 60 хувь гэж буураад явах ёстой. Одоо гуравдугаар улирлын байдлаар ДНБ-д эзлэх Засгийн газрын гадаад өрийн хэмжээ 61.8 хувьтай байна.
Энэ оны ДНБ-ий эцсийн тоо гарахаар ирэх оны нэгдүгээр улирлын байдлаар жилийн эцсийн дүн гардаг. Тэр үед дээд хязгаартаа буюу 70 хувьдаа барихаар төлөвлөж байна. Ирэх он 65 хувь хүртэл шат дараатай бууруулна. Хоёр төслийн хүрээнд нийтдээ 2 тэрбум ам.долларын өрийн зохицуулалт хийсэн. Тодруулбал өнгөрсөн онд 200 сая ам.доллар, энэ жил 190 сая орчим ам.долларыг төсөв дээрээс шууд төлж барагдуулсан. Төсөв дээр даах хэмжээгээр төлөөд явна” гэв.
Монголын төр суугаа нрх баригчдын хар гайгаар өнөөдөр Монголын ард түмэн нь нийт 33,5 тэрбум ам долларыг төлөхөөр болчихлоо үнэндээ бол иргэн Туяа Болд нар гадаад өр тавиагүй нь мэдээж харин Монголын төр суугаа эрх баригчид тэд тэр их өрийг төлөхгүй хэзээ ч үгүй харин татвар төлөгч нэртэй ард иргэд ААН төлөх нь ойлгомжтой өнөөдөр Монголын төр шургалсан бизнес нэртэй олгиархи бүлэглэлүүд болон эрх баригчид төлөх ёстой тэд зөвхөн амин хувиа бодсон ард иргэд бол зүгээр хамжилагат ажилчид зөвхөн эзнийхээ үгийг үг дуугуй дагах л ёстой энэ бол бодит байдал та бодоод үз Монголын эрх баригчид тэд зөвхөн бонд гэдэг нэртэй өрийн цаас хувилдаг улс тэгээд гаднаас асар богино хугацааны өндөр хүүтэй Арилжааны зээл авч тэр зээлээ хамаарал бүхий этгээдүүтэйгээ нийлж зориулалтын бусаар үрэн таран хийж тансагладаг л улс тэгээд арыг нь ард түмэн даадаг энэ бол гашуун үнэн