1. Маргааш гэж хором ч хойшлуулалгүй яг одооноос эхэлж эрүүл мэнддээ анхаараарай.
Таны сэтгэлгээ физиологийн наснаасаа 10-15 жилээр залуу байдаг. Тиймээс сэтгэлгээ тань хөгшрөхгүй ч бие физиологийн өөрчлөлтийг анзаарахгүй өнгөрөх аваас архаг хууч өвчинд 10 жилийн дараагаас л нэрвэгдэх аюултай. Тиймээс яг одооноос өөрийн бие физиологийн өөрчлөлтийг ажиглаж, өөртөө анхаарч үзлэг оношлогоонд орж, эрүүл амьдралын дадлыг өөртөө суулгаарай.
2. Таныг үнэлэхгүй бүхнээс зайгаа барих хэрэгтэй.
Таны амьдралд үнэ цэн авчрахгүй байгаа, таны хичээл зүтгэлийг үнэлж чадахгүй байгаа бүхнээс хөндийрч “Үгүй” хэмээн татгалзаж сурах цаг болжээ. Мөнгө санхүүгээс болж, үр хүүхдээ бодож, өөрийгөө өрөвдөж, садан төрлөө бодох г.м эдгээр шалтгуудыг тоочиж тэвчиж гүрийж суухаа болих цаг нь 30+ нас юм.
3. Юу танд эрхэм байна тэр бүхнээ дээдэлж сурах
Гай зовлон, хагацал гээд амьдралд санаанд оромгүй бэрхшээл маш ихээр тулгардаг. 30+ наснаас 40+ насны хооронд танд болоод таны дотны хүмүүсийн амьдралд гарах өөрчлөлтүүд маш элбэг тохиодог. Эцэг эх өөд болох гэрлэлт цуцлагдах, хагацал зовлон амсах гээд бидний айдас бүр амьдрал дээр биеллээ олж эхэлдэг тул хайртай дотны хүмүүсээ илүү ихээр сонсож хүндэлж хамтдаа цаг хугацааг өнгөрүүлэх хэрэгтэй юм шүү!
4. Бүх зүйлийг хүртэх боломжгүй
Амьдрал бол сонголтоос сонголтын хооронд оршиж, нэг зүйлийг олж нөгөө зүйлийг золиослох хэрэгцээ бидэнд тулгардаг. Тиймээс өөрийн үнэт зүйлдээ илүү цаг хугацааг зарцуулж, нандин бүхнээ олж түүндээ цаг хугацааг гаргаж сурах хэрэгтэй. Учир нь бид бүхнийг хүртэх боломжгүй.
5. Туршилтаас бүү ай, та хэзээд өөрчлөх боломжтой
30 насыг төлөвшсөн нас гэж үзэж нэг л сонгосон замаараа явах хэрэгтэй хэмээн эндүүрдэг. Нийгэм биднийг 30 насанд гэрлэж карьерийн замналаа сонгож санхүүгийн хариуцлагад орсон байх “ЁСТОЙ” мэтээр хардаг. Гэхдээ эдгээр зүйлс бүгд хувьсан өөрчлөгдөх боломжтой байдаг тул эцсийн дүндээ өөрийгөө л сонгож өөрийн хүслээ сонсож эрс шийдвэр, бүхнийг өөрчлөх боломж бидэнд үргэлж байдгийг санах хэрэгтэй.
6. Хөгжил бас дахин хөгжил
Таны алдаж болохгүй нөхөж барамгүй хоёрхон үнэт зүйлс бол таны бие болон сэтгэлгээний эрүүл мэнд юм. Ихэнхи хүмүүс 20 наснаасаа хойш сурах сэтгэх хөгжлөө орхидог. Харин 30+ насны ихэнхи хүмүүс хувь хүний хөгжлийг орхигдуулж завгүй амьдралд шумбан ордог. Бие болон сэтгэлгээний эрүүл мэндэд 30 насандаа анхаарч эхэлбэл 40 болон түүнээс дээш насныхаа хамгийн том хөрөнгө оруулалтыг хийх болно.
7. Хэн ч юуг ч мэдэхгүй
Та үхчихгүй л бол 5 жилийн дараа тантай юу тохиолдохыг хэн ч хэзээ ч бүрэн мэдэх боломжгүй. Хамгийн бодит үнэн нь гэвэл, таны ирээдүй хүлээлтээс ондоо байх тул одооноос ирээдүйдээ шаналж цагаа гарздахгүй аливаа зүйлийг байгаагаар нь хүлээн авч сурах явдал юм.
8. Ямагт гэр бүлдээ л хөрөнгө оруул
Боломж л олдвол илүү гэр бүлдээ цагийг өнгөрүүлээрэй. Таны нас явах тусам үнэт зүйл тань өөрчлөгдөж, хаана илүү цагийг өнгөрүүлсэн байна тэнд л илүү үнэ цэн цугларсан байдаг. Тиймээс таны хандлага амьдралын үнэт зүйлийг тань тодорхойлох учир хамгийн зөв хөрөнгө оруулалт бол гэр бүлдээ оруулах хөрөнгө юм.
9. Хэзээд өөрийгөө хайрлаж, өөртөө үргэлж энэрэнгүй ханд
Өдөр бүр сар бүр цаашлаад жил бүр зөвхөн өөртөө л зориулж цаг гарга. Таныг өөрөөс тань өөр хэн ч хүссэнээр тань ойлгохгүй. Тиймээс өөрийгөө одооноос л эхэлж хүлээж авч хайрлаж хүндэлж сурахгүй бол та насан туршдаа хайрлагдаагүй хүндлэгдээгүй гэх дутуугийн сэтгэлгээтэй үлдэх аюултай. Учир нь бид 20 насандаа бүхнийг мэддэг мэт авирладаг боловч, 30 насандаа тийм биш болохыг ойлгодог тул 40 насандаа аливаа зүйлийг байгаагаар нь хүлээн авч суралцдаг.
