Харагдах байдлаа нэгдүгээрт бүү тавь, найз минь. Учир нь амьдрал хэмээх урт аяны туршид тэр чамтай хамт байхгүй. Гэхдээ юу гээч? Чиний хөгжилтэй, хөөртэй байдал нас нэмэх тусам улам л догь болно. Чиний мэдрэмж өдөр өдрөөр өсч, гайхамшигт сахиусан тэнгэр мэт гэгээн нэгэн болно. Сонголт хийх мэргэн ухаан улам төгөлдөршиж, хэнийг хаяж, хэнийг үлдээхээ мэддэг болно.
Тайван зүрх сэтгэл чамд хүчийг өгч, одоогоороо амьдрахын аз жаргалыг мэдрүүлнэ. Яг өнөөдрөөрөө, өөрөө амьдрах энгийн л тэр хүсэл бусад бүх хүслийг даван дийлэх болно. Тиймээс гадаад үзэмжээ бүхний тэргүүнд бүү тавь. Түүнийг дагасан хүн бүхэн эцэст сэтгэл нь гудайн, аз жаргалгүй үлддэг нь туйлын үнэн.
Харин түүний оронд зөвхөн чамд л буй онцгой өгөгдлөө эрж хайхтун. Зүрх сэтгэлээ нэгдүгээрт тавихтун. Учир нь энэ бүх зүйлс цаг хугацаа өнгөрөх тусам л илүү өнгөжин жавхаажиж, илүү гоёмсог болдог билээ.
Донна Ашворт
