Өнөөдөр /2022.06.27/ БГД-ийн ЗДТГ-ын гадаа АН-ын гишүүд БГД-ийн засаг дарга Ө.Сумъяабаатарыг огцрохыг шаардан жагслаа.
БГД-ийн АН-ын дарга Н.Болдбаатар “2021 оны есдүгээр сарын 14-нд дөнгөж байгуулагдсан компанийг 10 хоногийн дараа тендерт шалгаруулсан байна. Цар тахал, эдийн засгийн хямралтай үед 65 сая төгрөгөөр чихэр авсан байна. Нөгөө “Оргил” супермаркетын чихрийн наймаачин маань өөрөө чихрээ зарсан байна. Тэр нь өөрийнх нь компани биш хамаарал бүхий компани. Ингээд маш их төсвийн мөнгийг зарцуулсан.
Бүх тендер хариуцсан дарга нь эхнээсээ АТГ дээр шалгуулж байгаа, 72 цаг хорьж байгаа.
Ж.Ганбаатараас болоод маш олон хүн оронд нь шоронд сууж, хууль хүчний байгууллагаар шалгуулж, хэлмэгдэж байгаа.
УИХ-ын гишүүн Ж.Ганбаатар БГД-ийн ЗДТГ-аас савраа тат. Энэ таны компани биш, хаант засаг биш гээд удаа дараа тэмцлийн арга хэмжээ зохион байгуулж байгаа.
Хуулийн байгууллагад өгөхөөр шалгаж байна аа л гэж байгаа. Маш олон иргэн дүүрэгтэй холбоотой, Ж.Ганбаатартай холбоотой гомдол гаргасан. Хамгийн ноцтой зүйл нь бол төрийн эрхийг хууль бусаар авсан бичлэг нь тодорхой байгаа.
500 сая төгрөгөөр Магнайбаяр гэдэг хүнийг урвуулаад, урвуулсан гэдэг нь үнэн шүү дээ. 200 сая төгрөг өгчихсөн одоо 300 сая төгрөг нэхээд байна, чи даварсан гээд МАН-ын хурал дээр ярьж байсан. Тэрийг өгөөд бүтэн улирал болж байна. Одоо хүртэл шалгаж байгаа.
Яг энэ төсвийн бүх мэдээллийг дүүргийн иргэдийн хурлын төлөөлөгч нар өгсөн. Би хардаж байна. МАН-ыг санхүүжүүлдэг гол хүн нь “Оргил” супермаркетын эзэн Ж.Ганбаатар юм байна.” гэв.
