Баасан гаригийн /2022.12.16/ өглөө 6 цагийн орчимд ХБНГУ-ын Берлин хотын AquaDom зочид буудлын аварга том аквариум задарч 1 сая литр ус болон 1000 гаран халуун орны олон зуун загас хотын төвд асгарчээ.
Берлиний онцгой байдлын албанаас мэдээлж байгаагаар 2 хүн хөнгөн бэртсэн, уг ослын шалтгаан одоогоор тодорхойгүй байна гэж мэдэгджээ.
25 метрийн өндөртэй AquaDom нь дэлхийн хамгийн өндөр цилиндр хэлбэрийн аквариум байсан бөгөөд осол болохоос өмнө тэнд 80 төрлийн 1500 орчим халуун орны загас байжээ. Хамгийн харамсалтай нь тэдгээр загаснаас нэгийг нь ч аварч чадаагүй байна.
