Сангийн сайд Б.Жавхлан, Засгийн газраас төсвийн тодотгол хийх саналаа бэлтгээд, намын бүлэгтээ өнөөдөр танилцууллаа. Бүлгээр хэлэлцэн дэмжсэн тул маргааш Засгийн газрын хуралдаанд оруулаад маргаашдаа УИХ-д өргөн мэдүүлэхээр боллоо.
Төсвийн тодотголд:
- Хүүхдийн мөнгийг хүсэлт гаргасан хүүхэд бүрт олгоно. Өнгөрсөн нэгдүгээр сараас олгосон мөнгийг нөхөн олгохоор шийдвэрлэлээ.
- Цалин, тэтгэвэр тэтгэмжийг нэмнэ. Энэ удаа хавтгайруулан нэмэхгүй. Суурь тэтгэвэр тэтгэмж, суурь цалинг нэмж, зөрүүг арилгах чиглэл барьж байна. Эдгээр нэмэгдэлд 1.3 их наяд орчим төгрөгийн төсөв шаардлагатай.
Энэ онд төсвийн алдагдал буурсан, улсын валютын нөөц нэмэгдсэн, төлбөрийн тэнцэл нэмэхтэй гарлаа. Хамгийн том үр дүн бол гадаадын өрийн эрсдэлээс болж Монгол Улс дампуурлын ирмэгт тулаад байсан бол дефолт болох эрсдэлээс бүрэн гарсан.
2023 оны нэгдүгээр улиралд 20 сая тонн нүүрс экспортоллоо. Энэ онд нийт 36 сая тонн нүүрс гаргахаар төлөвлөснөөс 60 хувийг нь гаргаад байна. Төсвийн орлогын 36 хувь нь биелээд байна.
- Халамжийн тэтгэмж 288 мянга байсныг 325 мянга
- Хөгжлийн бэрхшээлтэй хүүхэд асардаг эцэг эхэд олгодог 83 мянган төгрөгийг 255 мянга болгон нэмэгдүүлнэ. Энэ нэмэгдэлд 90 тэрбум төгрөгийн тодотгол хийнэ.
Цалинг долоодугаар сарын 1, аравдугаар сарын 1-н гэсэн хоёр үе шаттай нэмнэ. Эхний ээлжинд хамгийн бага шатлалын цалинтай соёл, спорт, нийтлэг үйлчилгээний салбарт ажиллагчдын цалинг нэмнэ. Аравдугаар сарын төрийн албан хаагчдын цалин бүрэн нэмэгдэх юм.
