Өнөөдрийн байдлаар цас зудын улмаас улсын хэмжээнд 2.2 сая мал хорогдоод байна.
Тиймээс Засгийн газар цас зуданд нэрвэгдээд байгаа Завхан, Увс, Говь-Алтай, Ховд, Сүхбаатар, Дорнод, Хэнтий, Хөвсгөл, Архангай зэрэг 14 аймгийн 111 сумын малчдад 10 мянган тонн улаан буудайн тэжээл буцалтгүй тусламжаар олгох
📍Энэ хүрээнд 1 малчин өрхөд ойролцоогоор 250 кг буюу 5 шуудай тэжээл үнэгүй өгөх
📍Нэг малчин өрхөд 10 кг гурил, 5 кг цагаан будааны хүнсний тусламж үзүүлэх
📍Малчдын зээл болон хүүгийн төлөлтийг 1 жилээр хойшлуулах, зээлийн хүүгийн 6 хувийг малчид өөрсдөө, үлдсэнийг төр хариуцах.
📍Малын тэжээл гурилын импортын татварыг тэглэх.
Ингэснээр өнөөдөр баруун аймгуудад 50кг -ын ууттай гурил 120-130 мянган төгрөгийн үнэтэй байгааг 80 мянга хүртэл бууруулах боломжтой гэж үзэж байна.
Мөн зудаас урьтаж малчдын бэлтгэсэн их хэмжээний махыг худалдан авах үүргийг махны үйлдвэрүүдэд өглөө.
Түүнчлэн цас зудын нөхцөл хүндэрсэн сумдад сургуулийн хүүхдийн амралтыг тухайн аймгийн Засаг дарга БШУ-ны сайдтай зөвшилцөн хоног хугацааны хувьд зохицуулалт хийхээр тогтлоо.
Тэрчлэн туулах чадвар өндөртэй тусгай зориулалтын 115 автомашиныг худалдан авч машин тэрэг дутагдалтай хөдөөгийн сумдыг хангах шуурхай арга хэмжээ авахаар боллоо.
ЦАС ЗУДЫН ЭРСДЭЛИЙГ БУУРУУЛЖ, ЦАГИЙН ХҮНДИЙГ “ХАМТДАА ДАВНА”
