Нийслэлийн иргэдийн эрүүл, аюулгүй орчинд амьдрах нөхцөлийг бүрдүүлэх зорилгоор эзэнгүй нохой, муур, мал амьтныг барьж, асрамжлах газарт байрлуулах ажлыг энэ сарын 24-28-ны өдрүүдэд зохион байгуулж байна.
Эзэнгүй нохой, мууртай холбоотой гомдол Улаанбаатар хотын Захирагчийн ажлын албанд ирэх болсон байна.
Иймээс энэ амралтын өдрүүдэд нохой, муур барих ажилд Нийслэлийн зургаан дүүргийн онцгой, цагдаагийн албан хаагчид болон УБЗАА, нийслэлээс холбогдох албаныхан гээд нийт 1000 гаруй хүн ажиллаж байгаа аж.
Энэ удаа Сонгинохайрхан дүүргийн 20 дугаар хорооноос эхэлж, Туулын бургаснаас хойш самнах ажиллагаа явуулж байгаа юм байна. Үйлдвэрлэлийн бүсэд эзэнгүй нохой, муур олон байдаг байна. Мөн сургууль руу явах бага насны хүүхдийг амьтан айлгах гомдол их гарч байгааг албаныхан хэллээ.
Гомдол их ирсэнтэй холбоотойгоор зэнгүй нохой, муур, мал амьтныг барьж, асрамжлах газарт байрлуулах ажлыг эхлүүлжээ.
Холбогдох албаныханы хамтын хүчээр хийж буй Туулын бургасыг самнах ажиллагаа ирэх долоо хоногт үргэлжилнэ.
