Асуулт:
Яагаад гэнэт Монгол Улсын Ерөнхий сайдыг огцруулахад чиглэсэн жагсаал хийх болов?
Хариулт -1.
Нийт олонд гарааны түвшинд тэгш оногдох ёстой байсан нийгмийн баялгийг цөөн хэдэн этгээдүүд эрх мэдэл, танил тал, овжин заль, мэдээллийн давуу талаа ашиглан өөрийн мэдэлд авч хувьдаа ашиг олох зорилгоор хуулиар халхавчилсан луйвар хийсэн нь 30 жил Монгол улс үсрэнгүй хөгжих боломжийг хаасныг өнөөгийн Ерөнхий сайд Оюун-Эрдэнэ төрийн удирдлагын түвшинд анх хэлсний учир,
Хариулт 2.
Ерөнхий сайд, дээр хэлсэн луйврын замаар улсаа тонож хувийн хөрөнгөө арвижуулан ард олноо ядууралд оруулсан бүлэг этгээдүүдийн далд, нарийн зохион байгуулалтыг эвдэх гэсний учир,
Хариулт 3.
Ерөнхий сайд луйврын бүлгийн хахууль, сүрдүүлэг, томилгооны ач сануулах аргаар хууль, шүүхийн үйл ажиллагааг хяналтдаа авсан хууль бус хөрөнгөжигсдийн бусармаг үйл ажиллагааны эсрэг зоримог тэмцэл эхлүүлэхдээ ард түмэн, олон нийтэд хэт найдаж луйврын хүчирхэг бүлгийн хүчийг дутуу үнэлсний учир,
Хариулт 4.
Ерөнхий сайд Оюун-Эрдэнэ улс Монголынхоо ирээдүйн сайн сайхны төлөө Монгол улсын Ерөнхий сайдаар 2 удаа ээдрээ эгзэгтэй цаг үед ажиллаж, гэгээн гэрэлтэй ирээдүйг мөрөөдөж Монголын хараат бус хүчирхэг орон зай бий болгохын төлөө амь нас, эд зоорио огоорон зүтгэсэн Амар сайдын үйлийг давтаж буй учир,
ӨНӨӨДӨР ГАДНЫ БУС ӨӨРИЙН ДОТООДЫН БУРАНГУЙЧУУДАД НҮД ҮЗҮҮРЛЭГДЭЖ БУЙД би түүхч хүний хувьд харамсаж байна.
БИДНИЙ МОНГОЛЧУУДЫГ ГАДНЫ ДАЙСАН БИШ, ДОТООДЫН АТАА ЖӨТӨӨ, БАЯЖИН ХӨЛЖИЖ, ХЯЗГААРГҮЙ ЭРХ МЭДЭЛД ХҮРЭХ САНААТАЙ СУВДАГ ШУНАЛТНЫ АТГАГ САНАА БУТЛАН ХАГАЛЖ, БУУРАН ДОРОЙТУУЛЖ ЯВСАН УЧИРТАЙГ САНУУЛЖ үүнийг хэлэв.
Зөв нь хаана, буруу нь хэнд буйг ухаант мэргэн та олон оюундаа тунгаана буй за!!!
Түүхч, Доктор Д.Өлзийбаатар
