Олон улсын төмөр замын хөгжил асар хурдацтай хөгжиж байна. Тухайлбал, БНХАУ Бээжин-Тяньжин-Хэбэй чиглэлд хурдны төмөр зам барьж, 2020 он гэхэд ашиглалтад оруулахаар төлөвлөжээ. Хурдны төмөр замыг барьж дуусах үед шинэ нисэх буудлыг ч мөн ашиглалтад оруулахаар төлөвлөсөн аж.
Нийт 92.4 км урттай байхаар тооцоолсон шинэ салаа зам нь Бээжин хотын Дашин дүүргийг Хэбэй мужийн Бажөү хоттой холбох юм. Мөн Бээжин хотыг шинэ нисэх буудалтай холбох замын дээд хурд 350 км/ц байх бол бусад хэсгүүд дээр 250 км/ц байхаар төлөвлөжээ.
Тус төслийг хэрэгжүүлэхэд 5.3 тэрбум ам.доллар шаардлагатай бөгөөд барилгын ажлыг өнгөрсөн хоёрдугаар сарын 28-ны өдөр эхлүүлсэн байна. Тэгвэл Английн Төмөр Замын Аюулгүй Ажиллагаа, Стандартын Газар (АТЗААСГ) 2019 оны эцэс, 2020 оны эхээр гэхэд ус төрөгчөөр ажилладаг галт тэргийг Алстом компанитай хамтран туршихаар ажиллаж байна хэмээн АТЗААСГ-ын гүйцэтгэх захирал Марк Филипс мөн өнгөрсөн хоёрдугаар сарын 12-нд мэдээлсэн билээ.
Тээврийн сайд Жөү Жонсон 2040 он гэхэд дизель түлшээр ажилладаг галт тэргүүдийг ашиглахаа зогсооно гэсэн мэдэгдэлд хариулахдаа “замыг бүрэн цахилгаанжуулах нь цорын ганц эсвэл хамгийн үр ашигтай арга биш” гэжээ. Хот Хоорондын Солилцооны Хөтөлбөрийн дагуу Хитачи компанийн нийлүүлж байгаа цахилгаан, дизель хосолсон галт тэрэгний загвар нь хорт хий бага ялгаруулалттай ирээдүйн технологи руу хүргэх оновчтой арга гэж онцоллоо. Алстом компанийн Германд нэвтрүүлсэн АйЛинт галт тэрэгнээс зөвхөн уур, ус ялгардаг ба 800 км алслалтай, 140 км/цаг хурдтай” гэжээ.
Төмөр Замын Тээврийн группийн Гүйцэтгэх захирал Магги Симпсон хэлэхдээ цэнэг хадгалагч болон ус төрөгч нь хөнгөн жингийн зорчигч тээврийн галт тэрэгт ашиглахад тохиромжтой байлаа гэхэд хүнд даацын ачаа тээвэрт тохиромжтой болох нь батлагдаагүй тухай анхааруулжээ.
Механик Инженерийн Хүрээлэнгийн Инженерингийн салбарын дарга Женифер Бакстер хэлэхдээ тээврийн сүлжээг хорт хий бага ялгаруулах технологид шилжүүлэхэд технологи болон бодлогыг хослуулах хэрэгтэй болно. Мөн хосолсон түлштэй галт тэрэгний ашиглалт болон засварын зардал нь цахилгаан галт тэрэгнээс өндөр гарах ба дизель горимоор ажиллаж байх үедээ энгийн дизель галт тэрэгнээс илүү хорт хий ялгаруулна гэжээ.
