2018 оны Хятадын хөгжлийн дээд форумд оролцсон гадаадын төлөөлөгчидтэй Хятадын Төрийн Зөвлөлийн ерөнхий сайд Ли Кэчян энэ сарын 26-нд Бээжинд уулзаж ярилцжээ. Тэрээр Америкийн хөрөнгө оруулалтын Старр группийн ТУЗ-ийн дарга Моррис Грийнберг, Хятад Америкийн худалдааны өнөөгийн зөрчил мөргөлдөөний асуудлыг дурдах үед хэлсэн үгэндээ “Хятад Америкийн эдийн засаг худалдааны цар хүрээ хөгжиж, өнөөгийн хэмжээнд хүрсэн нь зах зээлийн хүч, худалдааны дүрэмд түшиглэснээс болсон юм. Мөн чанартаа харилцан ашигтай, хамтдаа амжилтад хүрсэн явдал юм. Худалдааны дайн хийвэл, хэн нь ч ялахгүй. Худалдааны тэнцвэргүй асуудал оршиж буйн хувьд, Хятад Америк хоёр тал бодит, оюунлаг байр суурийн дагуу, ихийг бүтээн хэмжээг нэмэх замаар худалдааны тэнцвэрийг ахиулж, хэлцэл зөвшилцөлийг баримтлан, санал зөрөлдөөн, зөрчил маргааныг зохицуулах ёстой. Эс тэгвэл хоёр орон төдийгүй дэлхий дахинд ашиггүй болох юм” гэжээ.
Харин хуралд оролцсон гадаадын төлөөлөгчид байр сууриа илэрхийлэхдээ “Хятадын хөгжил нь дэлхий дахинд хөгжлийн улам их боломж нээнэ гэдэгт итгэж байна. Хятадын өөрчлөлт нээлтийн ахицад идэвхтэй оролцож, харилцан ашигтай хамтдаа амжилтад хүрэхэд бэлэн байна” гэжээ. Форумд оролцож буй гадаадын төлөөлөгчдийн тэргүүн, Apple Inc компаний тэргүүн гүйцэтгэгч Тим Күүк хэлэхдээ “Ли Кэчян ерөнхий сайд бидэнтэй чин сэтгэлээсээ ярилцсанд талархаж байна. Хятадын өөрчлөлт нээлтийн 40 жилийн ой энэ онд тохиож байна. Хойшид Хятадын өөрчлөлт нээлтийн том хаалга улам их нээлттэй болохыг бид бүхэн хүсч байна” гэжээ.
2018 он бол ХКН-ын XIX их хурлын үзэл санааг туушлуулах эхний жил, мөн өөрчлөлт нээлт хийсэн 40 жилийн ой тохиож буй жил юм.
