Монгол Улсын Ерөнхий сайдаар ажиллаж байсан Ч.Сайханбилэгийг үргэлжлүүлэн хорих эсэхийг шийдэх шүүх хурал өнөөдөр Чингэлтэй дүүргийн Эрүүгийн хэргийн анхан шатны шүүхэд боллоо. Шүүхээс Ч.Сайханбилэгийг 30 хоногийн хугацаатайгаар хорих шийдвэр гаргасан.Түүнийг өмгөөлөгч Л.Данзанноровоос дараах зүйлийг тодрууллаа
-Шүүх бүрэлдэхүүн 30 хоног цагдан хорих шийдвэр гаргалаа?
-Чингэлтэй дүүргийн Эрүүгийн хэргийн анхан шатны шүүх хуралдаанаар манай үйлчлүүлэгч Ч.Сайханбилэгийг баривчилсан асуудал болон цаашид сэжигтнээр цагдан хорих асуудлыг хэлэлцлээ. Харамсалтай энэ асуудал хуулийн дагуу гарсангүй. Монгол Улсад хүчин төгөлдөр мөрдөгдөж байгаа маш олон хуулийн заалтыг зөрчсөн. Бид энэ асуудлаар дараа дараагийн шатны шүүхэд гомдол гаргана.
-АТГ-аас Ч.Сайханбилэгийг гэрчээр дуудаж байцаалт авсан гэсэн. Энэ талаар?
-Энэ сарын 10-ны өдөр Сайханбилэгийг гэрчээр асууна гэж АТГ –аас дууссан. Ч.Сайханбилэг АТГ дууссан хугацаанд очсон. Гэрчээр гурван цаг гаруй байцаагаад дараа нь шүүхийн зөвшөөрөлгүйгээр шууд цагдан хорьсон. Ч.Сайханбилэг Монгол Улсын ерөнхий сайдаар ажиллаж байсан. Монгол Улсын Засгийн газрын тухай хууль болон Төрийн тусгай хамгаалалтын тухай хуулиар төрийн тусгай хамгаалтад буугаагүй байгаа. Нэг бүрэн эрхийн хугацаа дөрвөн жил хадгалагдах ёстой. Төрийн тусгай хамгаалалтад байгаа хүнийг баривчлах, хорихдоо зөвхөн шүүгчийн захирамж болон шүүгчийн шийдвэр гарсан тохиолдолд баривчлах хуультай. Гэтэл энэ хуулийг зөрчиж, баривчилсан байгаа.
-Хамгаалтад байсан хүмүүс бас цагдан хорьсон гэсэн. Энэ үнэн үү?
-Ч.Сайханбилэгийн хамгаалтад ажиллаж байсан ажилтныг хамтад хорьсон. Одоо гэсэн хоригдож байгаа. Сайханбилэг хувьд онцгой хүндэтгэх шалтгаантай байж байгаад эрүүгийн хэрэг хянах шийдвэр ажиллагаанд дэм үзүүлэх гэрчийн мэдүүлэг өгөх гэж зорьж ирээд энэ ажиллагаанд оролцсон. АТГ болон прокурор ирсэн мэдэгдлүүдэд дандаа албан ёсны хариу өгч байсан. Таслан сэргийлэх зургаан төрөл байдаг. Үүнээс хамгийн хүнд буюу цагдан хорих арга хэмжээ авч байгаа буруу байна. Энэ цагдан хорьж барьчилдаг ажиллагаа нийтийн жишиг болж байна.
