Италийн цагдаа нар өчигдөр өглөө тус улсын өмнө зүгт орших Бари болон бусад хотуудад томоохон тусгай ажиллагаа явуулж, Апули мужийн хоёр томоохон мафийн гэмт бүлэглэлд хамаарах зохион байгуулалттай бүлэглэлийн 104 гэмт этгээдийг баривчилжээ. Риа Новости агентлагийн мэдээлснээр уг тусгай ажиллагааг Бари хотын зохион байгуулалтай гэмт хэрэгтэй тэмцэх тасаг зохион байгуулсан бөгөөд уг ажиллагаагаар тус мужийн нийгэм эдийн засгийн амьдралд хяналт тавихыг санаархаж байсан мафийн бүлэглэлийн бүтэц үйл ажиллагаа болон тэдний гишүүдийн үйлдэл зэргийг нарийвчлан тогтоосон байна. Үүнээс гадна шалгалтын явцад хоёр томоохон мафийн бүлэглэл Калашников автомат буу болон бусад зэр зэвсэг эзэмшиж байсан болон мөн тус бүлэглэлүүд нь Калабрийн зохион байгуулалттай гэмт бүлэглэлийн уламжлалт зан үйлийн дагуу “Ндрагента” хэмээх мафийн бүлэглэлийн тусгай зан үйл зэргийг явуулж байсныг илрүүлэн тогтоожээ. Орон нутгийн хэвлэлүүдийн мэдээлж байгаагаар баривчлагдсан эдгээр этгээдүүдийн дотор өмнө нь удаан хугацаагаар Апули мужийн авлига хээл хахууль болон рекеттэй тэмцэх тасгийн бүрэлдхүүнд багтаж байсан хамгаалалтын компанийг эзэмшиж байсан нэгэн томоохон бизнес эрхлэгч мөн багтсан байна.
