УИХ-ын гишүүдийн бүрэн эрхийг түдгэлзүүлэхгүй гэсэн УИХ-ын шийдвэрт тавьсан Ерөнхийлөгчийн хоригийг парламент энэ долоо хоногт хэлэлцэхээр болжээ.
Тодруулбал, УИХ-ын 2018 оны 45,47 дугаар тогтоолд тавьсан Ерөнхийлөгчийн хоригийг маргааш Хууль зүйн байнгын хороо болон Төрийн байгуулалтын байнгын хороогоор, харин пүрэв гарагт чуулганы нэгдсэн хуралдаанаар хэлэлцэх юм байна. Гишүүний бүрэн эрхээсээ чөлөөлөгдсөн Д.Гантулгын асуудлыг хэлэлцэх шаардлагагүй аж. Харин ийнхүү Д.Мураттай холбоотой хоригийг хэлэлцэнэ.
Энэ талаар УИХ-ын гишүүн Д.Мурат “Ерөнхийлөгчийн хоригийг би зөв гэж үзээд дэмжиж байгаа. Би шалгуулахад бэлэн байна. Шалгуулчихаад удалгүй буцаад ороод ирнэ. Энэ бол зохиомол хэрэг. Би хэрэг хийгээгүй” гэж мэдээлэл хийсэн билээ.
