УИХ-ын гишүүн Д.Муратын гаргасан гомдлын дагуу сэтгүүлч Д.Майцэцэгт холбогдох хэргийн шүүх хурал өнөөдөр 10:00 цагт Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхийн танхимд эхэллээ. Шүүх хуралд иргэн Г.Бахытгүл онлайнаар оролцсон. Харин Д.Майцэцэгт болон түүний өмгөөлөгч нарын зүгээс шүүгч болон улсын яллагч нарыг татгалзсан хүсэлт гаргасан. Уг хүсэлтийг тус шүүхийн Ерөнхий шүүгч асуудлыг шийдвэрлэтэл шүүх хуралдааныг тодорхойгүй хугацаагаар хойшлууллаа. Ерөнхий шүүгч уг асуудлыг шийдвэрлэсний дараа шүүх хуралдааныг товыг зарлах юм байна.
Шүүхийн шийдвэрт нөлөөлөх гэж оролдсон гэдэг үндэслэлээр татгалзсан
Энэхүү шүүх хуралд хэд хэдэн сэтгүүлчийг гэрчээр дуудсан. Ингээд гэрчээр дуудагдсан Нийслэлийн сэтгүүлчдийн нэгдсэн холбооны тэргүүн Б.Ганзоригоос зарим зүйлийг тодрууллаа.
-Таныг шүүхээс гэрчээр дууссан. Харин одоо болохоор татгалзсан гэж байна. Ямар үндэслэлээр татгалзсан вэ?
-Намайг мэдэгдэл гаргаж шүүхийн шийдвэрт нөлөөлөх гэж оролдсон гэдэг үндэслэлээр татгалзсан. Улсын ялагч сэтгүүлчийг ялах гэж, түүнийгээ нотлох гэсэн байр сууринаас оролцож байна.
-Улсын ялагдагч таныг гэрчээр дууссан юм уу?
-Улсын ялагч прокурор Мөнхцэцэг намайг гэрчээр дуудсан. Энэ асуудал өнгөрсөн оны арваннэгдүгээр сараас эхэлсэн асуудал. Сэтгүүлч хувь хүний нууцад халдсан зүйл байхгүй. Сэтгүүлчийн болон хэдэн сайтын майл хаяг руу Б.Бахытгүл хандсан байдаг. Харин энэ мэдээллийг сэтгүүлч мэдээлэл болгон бэлтгэж олон нийтэд хүргэсэн байгаа. Харин өнөөдөр Мэдээлэл өгсөн хүн гэрч, харин ажлаа хийсэн сэтгүүлч яллагдагч болчихсон явж байна.
Сэтгүүлчийг яллах гээд зүтгэж байна
“News channel” телевизийн Сэтгүүлч Т. Оюумаа “Миний хувьд Д.Майцэцэгтэй нэг байгууллагад олон жил хамтарч ажиллаж байгаа. Энэ асуудал хэрхэн өрнөсөн талаар би маш сайн мэднэ. Гэтэл шүүх хурал эхлээд хүсэлт гаргаад засварлаж байна. Харин прокурор хүн өөрийнхөө гэрчээр дуудсан хүнээсээ татгалзаж байна. Мөн прокурорын зүгээс хэргийн үнэн зөвөөр шийдвэрлэх итгэл үнэмшил байхгүй байна Энэ асуудлын бол гэрч Б.Ганзориг. Харин Б.Бахытгүл Д.Мураттай холбоотой байсан тухай хувийн чатаа өөрөө дэлгэсэн. Өнөөдөр шүүх хурал маш шударга бус болж байна. Д.Мурат Б.Бахытгүл нар ирээгүй. Ганцхан сэтгүүлчийг яллах гээд зүтгэж байна”гэв.
Сүхбаатар дүүргийн шүүгч Идэр нийслэлийн прокурор Мөнхцэцэг нараас татгалзах хүсэлт гаргасан
“News channel” телевизийн Сэтгүүлч Д.Майцэцэг “Шүүх хурал сая боллоо. Шүүх хуралд Сүхбаатар дүүргийн шүүгч н.Идэр нийслэлийн прокурор н.Мөнхцэцэг болон миний өмгөөлөгч Отгонбаяр нар оролцлоо. Урьдчилсан хэлэлцүүлгээр гэрч хохирч нарыг оруулах хүсэлтийг прокурорын зүгээс гаргасан. Харин өнөөдрийн шүүх хурал хохирогч оролцсонгүй. Гэрч нар бүгд ирсэн боловч прокурорын гэрчээс татгалзсан. Тэр дундаа хамгийн чухал гэрч нарыг мэдэгдэл гаргасан гэсэн шалтгаанаар татгалзсан. Иймээс шүүх хурал хэт нэг талыг барьсан байдлаар болж байна. Иймээс Сүхбаатар дүүргийн шүүгч н.Идэр нийслэлийн прокурор н. Мөнхцэцэг нараас татгалзах хүсэлт гаргасан. Уг хүсэлтийг тус шүүхийн Ерөнхий шүүгч асуудлыг шийдвэрлэтэл шүүх хуралдааныг тодорхойгүй хугацаагаар хойшлуулсан” гэв
