Монгол Ардын Намын Удирдах зөвлөл товлосон ёсоороо өчигдөр хуралдаж цөөн хэдэн асуудлыг шийдвэрлэжээ. Тухайлбал, тус хурлаар намын зарим удирдах албан тушаалтнуудын томилгоог хийсэн байна. Улс төрийн намын байгуулалтын газрын даргаар Н.Батсүмбэрэлийг, Хэвлэл мэдээлэл, технологи, олон нийттэй харилцах газрын даргаар А.Энхзулыг тус тус томилжээ.
Ерөнхийдөө МАН-ын Удирдах зөвлөл энэ удаад удирдах зөвлөлийн гишүүдээ томилоод өндөрлөсөн гэж болно. Удирдах зөвлөлийн шинэ бүрэлдэхүүнд У.Хүрэлсүх, Д.Амарбаясгалан, Ц.Бат-Энх, М.Энхболд, Л.Энх-Амгалан, Д.Хаянхярваа, Я.Содбаатар, Б.Саранчимэг, Ө.Энхтүвшин, Г.Занданшатар, Ц.Цогзолмаа, Ж.Эрдэнэбат, С.Батболд, Т.Аюурсайхан, Г.Солтан, С.Бямбацогт, Л.Оюун-Эрдэнэ, Ж.Энхбаяр, Д.Тогтохсүрэн, Ж.Мөнхбат, Ц.Гарамжав, М.Оюунчимэг, Г.Мөнхцэцэг, Д.Сарангэрэл, О.Содбилэг, Ж.Ганбаатар, Д.Оюунхорол, Сү.Батболд, Ч.Улаан, Ц.Нямдорж нар багтсан байна.
Мөн тэд ирэх даваа гарагт намын ээлжит Бага хурлыг товлон хуралдуулахаар болж, УИХ-ын нөхөн сонгуульд оролцох эсэх шийдвэрээ гаргах юм байна. Хэрэв нөхөн сонгуульд оролцох шийдвэр гаргавал наймдугаар сарын сүүлчээр дахин хуралдаж хуулийн дагуу нэр дэвшигчээ тодруулах гэнэ. МАН-ын ээлжит Бага хурлаар 60 тэрбумын асуудал болон олны анхааралд байгаа бусад асуудлыг хэлэлцэж магадгүй гэсэн хүлээлт үүслээ.
