Анх энэ аргыг дорно дахинд хэрэглэж эхэлжээ. Унтахаасаас өмнө эсвэл өглөөд хөлөндөө жин тавьж, хэрэв тавьсан жин нь хар бараан өнгөтэй болсон байвал биеэс бүх хортой бодис гадагшилсан гэж үздэг байна.
Уг аргын гол зарчим бол биеэр тунгалагийн шингэн болон цус эргэлдэхэд хөлийн уланд тавьсан жинд биед хуримтлагдсан хортой бодисууд “татагдаж” гадагшлах явдал юм. Мөн хоргүйжүүлэх энэ арга нь ядаргаа тайлахаас гадна толгойн өвдөлт болон үе мөчний өвдөлтийг намдаадаг аж.
Хоргүйжүүлэх жинг хөлийн ул хэсэгт тавина. Тиймээс танд наалттай боолт эсвэл жирийн самбай даавуу, наалддаг өргөн тууз, ус, оймс, сонгино, сармис хэрэгтэй.
Сармис болон сонгиноо хэрэглэх хэмжээндээ тохируулан ижил харьцаатай байхаар сонгож, жижиглэн хэрчээд бага зэрэг буцалсан ус руу хийж 10 минут орчим буцалгаад 20 минут хөргөнө. Чанасан нухаш шиг холимогоо самбай даавуунд хийж илүүдэл шингэнийг нь шахаад, өтгөн холимогоо хөлийнхөө улны гол, дунд хэсэгт жин байдлаар тавьж, дээрээс нь самбай даавуугаа тавьж наалтаараа даруулан наана. Хөдөлгөөнгүй байлгахын тулд оймс өмсөж унтаарай. Үр дүнг нь та маргааш өдөртөө л мэдэрнэ.
