Люмино хамтлаг 20 жилийн ойдоо зориулж гаргасан шинэ уран бүтээл болох “Биелэн бүжихийг заагаач хө” дуу олны сайшаал, шүүмжлэлийг хослуулан хүртэж байна. Гэхдээ дууны үгний утга дээр анхаарал хандуулсан сонсогч төдийлөн харагдсангүй. Учир нь тэндээс зарим ноцтой асуудлыг анзаарч болно.
Манайхны ихэнх нь үндэсний ч гэх үү, үндсэрхэг ч юм уу сэтгэлгээтэй гэж өөрсдийгөө хэлэх дуртай. Тэр үзлийг тодорхой хэмжээгээр харуулах гэсэн үү, Люмино хамтлаг биелгээтэй дуу, клипээ олны хүртээл болгожээ. Гэвч тэд биелгээгээр бахархаад байна уу, доромжлоод байна уу гэдэг нь ойлгомжгүй болж. Мэдээж доромжлоно гэж бодоогүй ч, райм холбох гэж хүчээр үгс чихдэг байдал ийм шүүмжлэлд хүргэсэн байх. Манай үглээчдийн дунд энэ бол элбэг тохиолддог гажуудал.
МС:
Биелгээ хийхийг заагаад аль
Хэмнэл юунд нь авцалдуулан гүйгээд аль чи шүүгээд аль
Угаасаа МС хайнга шаана
Ууланд гарахдаа майга шаана
Сүнслэг трапаар хуга шаана
Харж харж шууд л дук шаана гэнэ. Биелгээгээ хайнга шаах юм бол заалгаад ч яахав гэж хэлмээр болов. Хип хопыг хүүхэд залуучууд л сонсдог. Тэдний дууны утга бол биелгээ хийх тухай. Харин үүнд сүүлчийн үгнүүдээс нь өөр уялдах юм алга.
Скизо:
Би Скизо Трап гэдгийг шаая дөө, шаадын шаадын
Хэд гурван мөр холбож утгыг нь заая дөө, заадын заадын
Үндэсний баялаг хэв маяг шингээж онцгойрно
Дусалхан төдий чимэг байхад гоц гойдно
Трап биелгээ трап биелгээ энэ яг тааржийнэ
Хүний мөсөөр дутсан нийгэмд би дааржийнэ дааржийнэ
Хүч сааржийнэ хүч сааржийнэ гэвэл жинхэнэ түй май
Хоёр гараа цацлан бүжихэд яг тааржийнэ гээд дуу үргэлжилж байна. Эндээс юу ойлгов? Нэг онгироо залуу нийгмээ муулаад л, салаавч үзүүлээд л, гэнэт бүжээд л…
Бас нэг хэсэгт:
Үдэшлэг парти хэсээд биелдэг бийч шиг биелэн нүүгээд
Гоёлоо өмсөн зүүгээд махрандаа саабыг аашан шүү гээд, өөдөө нисэн дүүлээд
Цүүгээ хаятлаа биелнэ бие биеэ эрүүлжүүлээд
Монгол түмний бахархал юм шүү биелгээ хийхийг заагаач хө
Орчин цагтай хослуулж биелгээг заалгаад хийгээд суръя хө гээд уг нь сурахыг хүсээд байх шиг. Гэхдээ гадны “бийч” гэдэг хэсэгт биелгээ доромжлолыг амсаад авах шиг болов. Өв соёл бүхний дээр гээд дууныхаа төгсгөлд хэлсээр ерөнхийд нь энэ дуугаар биелгээ гэдэг Монголын нэгэн язгуур урлагийн төрөл хараалын үгстэй хангалттай зэрэгцэн оршвой гэж.
Хип хоп гэдэг нийгмийг шүүмжлэх нэг зэвсэг болон үүсч хөгжсөн. Энэ урлагт задгай үг хэллэгийг хүлээн зөвшөөрдөг онцлогтой бөгөөд энэ төрлөөр юуны ч тухай дуулж болно гэдгийг хип хопчид нь өөрсдөө хэлдэг юм билээ. Гэхдээ жинхэнэ хип хопыг бий болгосон америкчууд нь юу гэж үздэгийг мэдэхгүй юм.
Утга авцалдаагүйгээр үгсийг хүчээр чихээд, үүнийгээ райм гэж нэрлээд, дээр нь хип хоп урсгал гэсэн шиг хараал хэрэглэсэн Люминогийн хамжааргагүй энэ зүйлийг бусад нь агуулгад нь бус, ая хэмнэлд нь болж сонирхон сонсдог биз ээ.
Хип хоп гэдэг үгсийн цуглуулгын урлаг биш байлтай ахмадууд аа, анхаарах цаг болжээ.
