Нийслэлчүүдийн амралт чөлөөт цагаа зөв боловсон өнгөрөөх боломжтой цөөхөн газрын нэг бол Үндэсний цэцэрлэгт хүрээлэн билээ. Гэвч тус цэцэрлэгт хүрээлэнд шарилж, лууль зэрэг хөл газрын ургамал ихээр ургах болжээ. Үүнээс улбаалан хортон шавж, ялаа шумуул олшроод зогсохгүй иргэдийн тав тухыг алдагдуулж байгаа юм. Тиймээс Үндэсний цэцэрлэгт хүрээлэнгийн ажилчид хөл газрын ургамлыг цэвэрлэх ажлыг эхлүүллээ. Энэ талаар тус хүрээлэнгийн зохион байгуулагч Х.Нямбуу “Хөл газрын ургамал харшил үүсгэх нь их байдаг. Иймд иргэдийн тав тухыг хангахын тулд зэрлэг ургамлыг цэвэрлэх ажлыг эхлүүлсэн” гэлээ. Дашрамд дурдахад, дээрх төрлийн хогийн ургамлыг зулгааж, шатаах нь тоосжилтыг улам нэмэгдүүлдэг ажээ.
Үндэсний цэцэрлэгт хүрээлэнгийн шарилжийг цэвэрлэнэ
}
Шинэ мэдээ
