“Акедеми авардс” кино наадмын шилдэг киногоор “Байтаг Богд” шалгарчээ

Монголын Үндэсний кино урлагийн академиас зохион байгуулдаг “Академи авардс-2018” наадмын шагнал гардуулах ёслол хүндэтгэлийн ажиллагаа өчигдөр /09.28/ болж, шилдгүүдээ тодрууллаа. Долоо дахь жилдээ зохион байгуулагдаж буй тус наадам нь тухайн жилдээ бүтээсэн бүрэн болон богино хэмжээний уран сайхны, баримтат кинонуудаас 19 номинацид шилдгийг шалгаруулдаг.
Энэ удаагийн “Академи авардс” кино наадмын шилдэг киногоор “Байтаг Богд” шалгарч, нийт найман номинацийн эзэн болжээ. Тодруулбал, шилдэг бүтээл, шилдэг найруулга, шилдэг эрэгтэй туслах дүр, шилдэг зураглаач, шилдэг дуу, шилдэг дууны найруулга, шилдэг нүүр будаг, шилдэг эмэгтэй туслах дүр гэсэн найман төрөлд ялагч болжээ.
Ингээд энэ удаагийн “Академи авардс” кино наадмын шилдгүүдийг танилцуулъя.
Шилдэг олон ангит кино /Эрт нахиалсан сарнай/
Шилдэг эрэгтэй гол дүр С.Болд-Эрдэнэ /Хоёр амь/
Шилдэг эмэгтэй гол дүр Ц.Мичидмаа /Аз жаргал/
Шилдэг эрэгтэй туслах дүр Б.Тамир /Байтаг Богд/
Шилдэг эмэгтэй туслах дүр Ц.Алдармаа /Байтаг Богд/
Шилдэг найруулагч О.Бат-Өлзий, Б.Тамир /Байтаг Богд/
Шилдэг зураглаач Г.Гүенбаатар /Байтаг Богд/
Шилдэг зохиол М.Эрдэнэбат /Сэтгэл мэднэ/
Шилдэг хөрөнгө оруулагч UBS телевиз /Говийн домог/
Шилдэг дууны найруулагч О.Цэгмид /Байтаг Богд/
Шилдэг хөгжим Л.Балхжав /Говийн домог/
Шилдэг нүүр хувиргагч Ц.Лхагвацэцэг /Байтаг Богд/
Шилдэг зураач Т.Нямсүрэн /Говийн домог/
Шилдэг монтаж С.Энхмөрөн /Харанхуй хад/
Шилдэг дүрсний эффект “Зүрхний хилэн” киноны уран бүтээлчид
Шилдэг баримтат кино Бенжамин Дэвид Жонс “Medicine budda”
Шилдэг богино хэмжээний кино “Эцэг” киноны найруулагч Ч.Батбаяр
Шилдэг дуу “Үеийн үед” /Байтаг Богд/