Т.Аюурсайхан: Маш нууцын зэрэглэлтэйгээр Төв банкны зарим асуудлыг хэлэлцэх нь буруу юм. Нууж байгаад хулгайлдаг болсон байна. Монгол улсын “Эрдэнэсийн сан”-д нуугаад байх зүйл юу ч байхгүй. Нууц гэх үгний цаана маш олон гэмт хэргийн шинжтэй асуудлыг нуудаг. Монгол улсын Эрдэнэсийн сан байхгүй шахуу болсон. Үүнийг маш олон хүн мэдэж байгаа.
Ерөнхийлөгчөөр ажиллаж байсан Ц.Элбэгдорж бэртэйгээ нийлж, Эрдэнэсийн санг хохироосон асуудлыг ажлын хэсгийн дүгнэлтээр хохирлын хэмжээтэй нь хамт тогтоож, гаргаж ирсэн. Гэтэл үүнийг “улсын нууц” гээд материалыг нь дэлгэж болохгүй байна.
Шинээр томилогдсон Ерөнхий прокурор энэ асуудлыг анхааралдаа авч шалгах хэрэгтэй. Нууж байгаад хамгаалах, хадгалах бус нууж байгаад хулгайж, шамшигдуулаад байгаа учраас энэ асуудлыг улсын нууцаас гаргаж олон нийтийн хяналтанд оруулах хэрэгтэй. Олон нийтийн хяналт бол хамгийн сайн хамгаалалт мөн. Хуулийнхан Монгол банкны зөрчлийн асуудлыг огт шалгахгүй байна.
