Монгол Улсад “Анданте” буюу нойрсуулах үйлчилгээтэй эмийг эмчилгээний зориулалтаар 2009 оны 06 дугаар сарын 14-ний өдрөөс эхлэн импортлон худалдаалж эхэлсэн. харин “Залеплон” гэх сэтгэцэд үйлчлэгч бодистой “Анданте” эмийг Хүний эмийн зөвлөлийн 2014 оны 03 дугаар сарын 19-ны өдрийн шийдвэрээр Монгол Улсын эмийн бүртгэлээс хасаж, Эрүүл мэндийн сайдын 2015 оны 68 дугаар тушаалаар Монгол Улсын хүн амын эмчилгээнд хэрэглэх мансууруулах болон сэтгэцэд нөлөөт эмийн жагсаалтад оруулсан байдаг.
Гэтэл өнөөдрийн байдлаар уг эмийг зохион байгуулалттай бүлэг этгээдүүд ОХУ-аас хууль бусаар хил нэвтрүүлэх, тээвэрлэх, бусдад дамлан борлуулах замаар хараа хяналт сул өсвөр насны хүүхэд, залуучууд, тогтмол орлоготой иргэдийг сэтгэцийн болон биеийн хараат байдалд оруулж, хэрэглэгчдийн тоог өдрөөс өдөрт нэмэгдүүлж байна.
Эмийг хууль бусаар хэрэглэгчид нь өөрсдийн найз нөхөд, ойр дотны хүрээлэлд эм хэрэглэж, мансуурснаар сэтгэл хөөрч баясдаг, дуу хөгжим сонсоход мэдрэмтгий болдог гэх зэргээр сурталчлан, уруу татах, хүүхэд, залуучууд гэнэн итгэмтгий зангаасаа бусдыг дагаж дууриан хэрэглэснээр “донтох эмгэг” үүсч хараат байдалд орох явдал ихээр гардаг байна.
Иймд сэтгэцэд нөлөөт эмийн нэг удаагийн хэрэглээ, хүсэл сонирхлоос болж хор уршиг, хөнөөл авчрах талаар хүүхдүүддээ сайтар ойлгуулж сэрэмжлүүлэхийг анхаарууллаа.
Анданте нойрсуулах эмийг хэрэглэхгүй байхыг анхаарууллаа
}
Шинэ мэдээ
