Америкийн Кино урлагийн академийн шилдгийн шилдгийг шалгаруулдаг “Academy Awards” буюу 93 дахь Оскарын наадмын шагнал гардуулах ёслол өнөөдөр зохион байгуулагдлаа. БНХАУ-ын найруулагч Хлое Зао “Nomadland” бүтээлээрээ Академийн шагнал хүртсэнээр Ази найруулагчид хоёр дахь жилдээ дараалан Оскарын наадмын шагналыг хүртлээ. БНСУ-ын найруулагч Бон Жон Ху өнгөрөгч онд “Parasite” бүтээлээрээ уг шагналыг хүртэж байв.Түүнчлэн Оскарын наадмын гол шагнал болох шилдэг кино шагналыг “Nomadland” бүтээл хүрсэн юм. Ингэснээр “Parasite”-ийн араас мөн хоёр дахь жилдээ Ази уран бүтээл Оскарын гол шагналыг хүртлээ. Ийнхүү энэ удаагийн Оскарын шагналын эздээр тодорсон онцлох бүтээлүүдийг танилцуулж байна.
Шилдэг кино: Nomadland
Найруулагч Хлое Жаогийн бүтээл “Nomadland” кино Оскарын шилдэг кино шагналыг хүртлээ. Тус бүтээл нь 2020 оны есдүгээр сарын 11-нд олны хүртээл болсон юм. Түүнчлэн найруулагч Хлое Жао энэхүү бүтээлээрээ “Алтан бөмбөрцөг”-ийн шилдэг найруулагчийн шагналыг давхар хүртэж байв. Ингэснээр тэрээр Алтан бөмбөрцөг шагналыг хүртсэн түүхэн дэх хоёр дахь эмэгтэй найруулагч болсон түүхтэй.
Шилдэг анимейшн кино – Soul
Найруулагч Пит Доктерын бүтээл “Soul” анимейшн уран бүтээл 2020 оны арванхоёрдугаар сарын 25-нд үзэгчдийн хүртээл болж, кино шүүмжлэгчдээс өндөр үнэлгээг аваад байсан юм. Тухайн бүтээл нь хувь хүний амьдралын зорилго, аз жаргалын талаар өгүүлдэг.
Гадаад хэл дээрх шилдэг кино: Another Round
Найруулагч Томас Винтербергийн “Another Round” бүтээл энэ жилийн Оскарын наадмын шилдэг гадаад хэл дээрх кино шагналыг хүртлээ. Тус кино 2020 онд нээлтээ хийсэн бөгөөд согтууруулах ундааны талаарх соёл, түүний хэрэглээг ахлах сургуулийн дөрвөн багшийн туршилтаар төлөөлүүлэн үзэгчдэд харуулахыг зорьжээ.
Шилдэг найруулагч – Хлое Зао
Найруулагч Хлое Зао “Nomadland” бүтээлээрээ шилдэг найруулагчийн шагналыг хүртлээ. Ингэснээр Хлое Зао Оскарын наадмын шилдэг найруулагчийн шаглагын хүртсэн Ази гаралтай анхны эмэгтэй уран бүтээлч болсон юм. Тэрээр БНХАУ-ын найруулагч бөгөөд 1982 оны гуравдугаар сарын 31 Хятадын нийслэл Бээжин хотод төржээ.
Шилдэг эмэгтэй жүжигчин: Фрэнсис МакДорманд
Шилдэг эрэгтэй жүжигчин шагналыг “Nomadland ” киногоор жүжигчин Фрэнсис МакДорманд хүртлээ. Тэрээр жүжигчин, продюсераар ажилладаг бөгөөд ийнхүү гурван дахь удаагаа шилдэг эмэгтэй жүжигчны шагналыг хүртэж байна.
Шилдэг эмэгтэй туслах дүрийн жүжигчин – Юн Ё Жон
Шилдэг эмэгтэй туслах дүрийн шагналыг “Minari” киногоор нэр дэвшсэн жүжигчин Юн Ё Жон хүртлээ. Ингэснээр тэрээр Оскарын шагнал хүртсэн Өмнөд Солонгосын анхны жүжигчин болсон юм. Юн Ё Жон нь анх 20 настайдаа буюу 1967 онд “Mister Gom” телевизийн цуврал кинонд тоглон жүжигчний карьераа эхлүүлж байжээ. Түүнчлэн бидний сайн мэдэх “Mother”, “A Good Lawyer’s Wife”, “The Housemaid”, “The Taste of Money”, “Keys to the Heart” зэрэг кинонуудад дүр бүтээсэн юм.
Шилдэг эрэгтэй туслах дүрийн жүжигчин: Даниэль Калуяа
Шилдэг эрэгтэй туслах дүрийн шагналыг “”Judas and the Black Messiah” киноны Фред Хэмптоны дүрээр нэр дэвшсэн жүжигчин Даниэль Калуяа хүртлээ. Тэрээр 1989 оны хоёрдугаар сарын 24 төрсөн Их Британи гаралтай жүжигчин юм. Даниэль Калуяа нь 2006 онд “Shoot the Messenger” кинонд тоглосноор жүжигчний карьераа эхэлж байв.
