Наймдугаар сард хоёр ч удаа тэргэл сар гарах бөгөөд эхний бүтэн сар 1-нд тохиосон. Харин хоёр дахь буюу цэнхэр сар энэ сарын 31-нд гарах юм.
Нэг сард хоёр удаа бүтэн сар гарах үед хоёр дахийг нь цэнхэр сар гэж нэрлэдэг. Бүтэн сарны гарах хугацаа 29.5 хоног байдаг тул мөчлөгийн улмаас жилд 13 дахь бүтэн сар гарах үзэгдэл аж. Тус үзэгдэл нь 2.5 жилд нэг тохиодог.
Цэнхэр сар гэдэг нь сар цэнхэр өнгөтэй үзэгдэнэ гэсэн үг биш юм. Цэнхэр сар гэж байдаггүй тул ховор үзэгдлийг илэрхийлж ийнхүү нэрлэжээ.
Монголын цагаар наймдугаар сарын 31-нд өглөөний 9 цаг 35 минутад бүтэн сар хамгийн өндөрт гарах юм байна.
Эх сурвалж: CNN
