ОХУ-ын Ерөнхийлөгч Владимир Путин Хятадын Циндао хотод айлчлах үеэрээ тус хотын алдартай шар айргийг заавал амталж үзнэ гэж хэлжээ. Тэрээр энэ тухайгаа Хятадын хэвлэл мэдээллийн корпорацид ярилцлага өгөх үеэрээ хэлсэн байна. В.Путин энэ сарын 8-10-нд Хятад улсад айлчилж Хятадын Шаньдун мужийн Циндао хотод болох Шанхайн хамтын ажиллагааны байгууллагын /ШХАБ/ 18 дахь удаагийн дээд хэмжээний уулзалт оролцох бөгөөд энэ үеэрээ Циндао хотын алдартай газруудаар айлчлах төлөвтэй байгаа аж.
Тэрээр Хятадын хэвлэл мэдээллийн корпорацийн сурвалжлагчид хэлэхдээ “Би шар айрганд дуртай. Аль болох бага хэрэглэхийг боддог ч Циндао хотын шар айргийг заавал амталж үзнэ гэж бодож байна” гэжээ.
