Монгол Улсын Ерөнхийлөгч Х.Баттулгын бүрэн эрхийн хугацаа цаг минутаар хэмжигдэж, хэзээ мөдгүй дуусгавар болох гэж байна. Харин түүний бүрэн эрхийг үргэлжлүүлэх зургаа дахь төрийн тэргүүн хоёр хоногийн дараа тодорно. Ингэснээр Монгол Улс шинэ Ерөнхийлөгчтэй болж, одоогийн төрийн тэргүүн Х.Баттулга суудлаасаа буух юм.
Тэгвэл Х.Баттулга өчигдөр /2021.06.06/ Монгол Улсын Ерөнхийлөгчийн хувиараа сүүлчийн ярилцлагаа өглөө. Түүнтэй сэтгүүлч Л.Мөнхбаясгалан ярилцсан бөгөөд Монгол Улсын Ерөнхийлөгч Х.Баттулгын ярилцлагаас онцолж байна.
– НАДАД ЕРӨНХИЙЛӨГЧИД НЭР ДЭВШИХ ХҮСЭЛ БАЙСАН, ГЭХДЭЭ ДЭВШЭЭГҮЙДЭЭ ХАРАМСДАГГҮЙ –
- Надад нэр дэвших хүсэл, санаа байсан.
- Уул уурхайн баялаг, том газар оронтой баян орон, хэдэн гэр бүлтэй тэмцсэн тэмцлийн үр дүнд шүүх тэдний талд орсон, УИХ тэдний талд орсон.
- Энэ хүнийг дахиад сонгочих юм бол зургаан жил нар харахгүй нь, эрх мэдэл нь зогсохгүй байна гээд л нэр дэвших бүх боломжийг хаасан байдаг.
- Ерөнхийлөгчид эрх мэдэл байдаггүй. Энэ нөхцөл байдал дээр Ерөнхий сайдын эрх мэдлийг бий болгож, Засгийн газарт нь хүч өгөх тохиолдлоор Ерөнхийлөгчийн эрх мэдлээсээ татгалзсан.
- Би нэр дэвших эрхгүй үлдсэндээ харамсдаггүй.
- Өнгөрсөн хугацаанд бүлэглэж Монголын баялгийг иддэг олигархуудтай тэмцэх хамгийн хэцүү байсан. Тэднийг илрүүлсэн ажил бол их хэцүү байсан.
-МОНГОЛ ЯЛНА-
- Өнгөрсөн 30 жил Засгийн газрын нас 1.6 жил л байна. Хэрэв Засгийн газар байнга ийм богино настай байгаад байвал энэ улсын бүх асуудал хөгжилд орохгүй. Тиймээс итгэл үнэмшилтэй, удаан ажиллуулахын тулд Сү.Батболдыг зарлаж, мэдэгдэл хийсэн.
- Монгол ялна.
- Би УИХ-ын индэр дээрээс энэ Их Хуралд байгаа гишүүдийн 50-иас илүү хувь нь гэмт хэрэгтнүүд байна аа гэхэд нэг гишүүн над дээр гомдол гаргахгүй байгаа л байхгүй юу. Гэмт хэрэгтэн биш л юм бол намайг яагаад гэмт хэрэгтэн гээд байгаа юм бэ гомдоно биз дээ.
- “Рио Тинто” Монголын Засгийн газрыг унагасан.
- У.Хүрэлсүхийн үйлдэл бол байдаг л урвалт, нөхцөл байдал. Надад ямар ч сонин санагдаагүй.
- Оюутолгой дээр хийгдсэн гэрээг харахад тэдэнд онд Монгол Улсад ашигтай байна гэдэг зүйл цаасан дээр л байдаг. Гэтэл тэр гэрээг нь Ерөнхийлөгчөөр хоёр удаа сонгогдсон хүн хүртэл дуугардаггүй. Тэгэхээр тэнд мөнгөөр л орсон байгаа юм.
-ЗАСГИЙН ГАЗАР ОГЦРОХОД МАШ ИХ ХАРАМССАН-
- Ерөнхий сайдад өгч байгаа мэдээллийн бүтэц нь л тийм байсан. Тэр Ерөнхий сайдаас шалтгаалахгүй. Түүнээс би төр эргүүлнэ гэж юу байх вэ дээ.
- У.Хүрэлсүхийн Засгийн газар огцроход маш их харамссан.
- Үндэсний аюулгүй байдлын зөвлөлийн гишүүн бид гурав бүтээн байгуулалт, ард иргэдийн төлөө ярьж байхад тэр гудамжинд хоёр, гурван хүн жагсаах нь логикоор таарахгүй.
- Ерөнхий сайд үргээлгэнд орчихсон, орохоос өөр аргагүй.
- Энд хоёр хувь хүний яриа огт биш. У.Хүрэлсүх бид хоёрт эргэж уулзах, орон зай үлдэнэ. У.Хүрэлсүхэд нэг давуу тал байх шиг байгаа юм. Ямар нэгэн байдлаар уул уурхай руу ороогүй, бүлэглэл рүү гар дүрж чадаагүй. Харин бүлэглэлийн заавраар яваад байх магадлалтай байгаа юм.
- У.Хүрэлсүхийг гүтгэсэн гэж шүүхэд өгсөн. Ерөнхийлөгч нь Засгийн газраа огцруулдаг хүн юм байна гэдгийг нийтэд цацаж байгаа юм. Энэ бол байж болохгүй зүйл л дээ.
- Төмөр замыг дагаад говь эзэнтэй болно. Хүмүүс ажлын байр бий болно гэж яриад байна. Эзэнгүй говийг эзэнтэй болгож байгаа юм.
