Боловсрол суваг телевиз Endemol Shine Group-ийн албан ёсны эрхтэйгээр “Яг түүн шиг” шоуг дөрвөн жил амжилттай зохион байгуулж, үзэгчдийн хүртээл болгосон билээ.
Дэлхий даяар тархсан цар тахлын улмаас урлагийн салбарын үйл ажиллагаа түр завсардаж, “Яг түүн шиг” шоу ч хоёр жил зохиогдоогүй юм.
Харин тун удахгүй Боловсрол телевизийн уран бүтээлчид 15 жилийн ойдоо зориулан шинэлэг дүр төрх, содон үзүүлбэрүүдээр дүүрэн “Яг түүн шиг” шоугаа толилуулахад бэлэн болжээ.
Тав дахь жилдээ зохиогдож буй “Яг түүн шиг” шоу оролцогчдоо бүрдүүлж дууссан бөгөөд Мягмар гарагт үзэгчдэд танилцууллаа.
“Яг түүн шиг-5” шоунд оролцох найман оролцогч
ДБЭТ-ын гочлол дуучин, МУГЖ Ө.Уянга
МУГЖ С.Наран
“Никитон” хамтлагийн дуучин И.Ч.Мишээл
МУСТА, жүжигчин Х.Баярмаа
“GangBay” хамтлагийн дуучин С. Баянмөнх
“Дижитал” хамтлагийн дуучин Г. Эрдэнэбилэг
Дуучин С.Зоригт
Дуучин Б.Чойжилсүрэн
Үзэгчдийн тэсэн ядан хүлээдэг “Яг түүн шиг-5” шоуны найман оролцогчдын эхний үзүүлбэр тавдугаар сарын 8-ний өдөр үзэгчдийн хүртээл болно.
