Улстөрд идээ бээр шиг бугшсан мянганы луйварчидтай Шадар сайд С.Амарсайхан элдвээр хэлүүлэн тэмцэж байна. Энэ тэмцэл үр дүнгээ өгч ард түмэн түүнийг хоёр гаргаа өргөн дэмжээд эхэллээ.
Өнөөдөр Монгол Улсад ипотекийн зээлтэй 65 мянган иргэн байдаг гэсэн албан ёсны тоо баримт гарсан. Эдгээр зээлтэй иргэд бүгд дундаж давхаргын буюу цалингаас цалингийн хооронд амьдардаг жирийн иргэд. Гэтэл ядарсан иргэдийнхээ халаасыг ичихгүйгээр хоосолж буй Монголын Ипотекийн Корпораци өөрсдийнх нь хууль бус үйлдлийг ил болгосон Шадар сайдад эгдүүцэж ипотекийн зээлийг зогсоох гэж байгаа мэтээр иргэдийг төөрөгдүүлсэн ч тэд санасандаа хүрч чадаагүй.
Үнэндээ МИК мянганы том луйварчдын далбаан дор нуугдаж иргэдийн сар бүрийн зээлийн эргэн төлөлтөөс 35 хувийн ашиг хүртэж, өнгөрсөн хугацаанд 1 их наяд орчим төгрөгийн орлого олж хэдэн зуун тэрбумаар нь луйвардсан гэсэн үг.
Бодит байдал дээр иргэд ипотекийн зээлийг МИК-иар дамжуулахгүйгээр 5 хувийн хүүтэйгээр авч болох боломжтой талаар Шадар сайд С.Амарсайхан мэдээлж байсан удаатай.
Тэрбээр “Өнгөрсөн хугацаанд ипотекийн зээлийн хүү 8 хувь байсан. Тэгвэл банкуудад 54 хувийн хүүтэй эх үүсвэрийг Монгол банк өгдөг. Банкууд ипотекийн корпорациар дамжуулан орон сууцны зээлийн санхүүжилтийг хийдэг. Энэ хооронд 2.9-3 орчим хувийн нэмэгдэл үүсдэг. Өөрөөр хэлбэл 5 хувийн хүүтэй авч болох ипотекийн зээл 8 хувиар иргэдийн гар дээр очдог. Одоогоор 6 хувийн хүүтэй болж байгаа ч 1.6 орчим хувийг нэмэгдэл болгож, шимтгэл маягаар ипотекийн корпораци авдаг. Гэтэл санхүүжилтийн эх үүсвэр болох Монгол банк 1 хувийн хүүтэй эх үүсвэр олгож байхад иргэдийн гар дээр 8 хувь болж очдог байсан. Одоо 6 хувь болсон” гэх баримтыг хэлж байсан.
Өөрөөр хэлбэл МИК иргэдэд ипотекийн зээлд зуучилсан гэж нэмэгдэл хувь авдаг нь хууль бус үйлдэл хийгээд МИК та бидний банканд төлж байгаа мөнгөнөөс ашиг хүртэж, мөнгө хүүлж байна гэсэн үг. Хэдийгээр МИК бонд худалдаж авсан ч гэлээ Монгол банк арилжааны банкуудад 2020 онд 399 тэрбум төгрөг төлж МИК энэхүү мөнгөөр гараа угааж иргэдийг зээлийн хүүгээр яллаж, дарамталж байна.
Тиймээс л 5 хувийн хүүтэй авч болох ипотекийн зээлийг Монголын бүх юмны эзэн гэгдэх сахал Д.Эрдэнэбилэг ховх сорон авч буй нь шударга бус гэдгийг С.Амарсайхан сайд тайлбарлаад буй хэрэг. Угтаа бол 100 саяын байр авсан иргэд 300 сая болгон төлж байгаа нь хэрээс хэтэрсэн хэрэг.
Ипотекийн зээлийн гол зорилго бол утаа, хөрсний бохирдлоос салгахын тулд гэр хорооллыг барилгажуулах байсан ч энэ нь амьдрал дээр огт хэрэгжсэнгүй.
Үүгээр ч зогсохгүй МИК-ийнхан олсон ашгаа банк бусаар эргүүлж мөнгө угаадаг гэх ноцтой асуудал яригдаж тус газрыг хууль хяналтын байгууллага шалгаж эхэлсэн гэх мэдээлэл ч байна. Хэрвээ энэ асуудал баримтаар тогтоогдвол МИК-ийн олон хүн толгой дээгүүрээ дээлээ нөмөрч эзнийхээ араас явах магадлал өндөр.
Нөгөөтэйгүүр ард иргэд хүүний дарамтаас гаргах боломж байгаа тулд эрхэм шадар та элдвээр хэлүүлэхээс эмээх хэрэггүй бөгөөд мянганы луйварчдын булхайг илчлээд байгаарай.
ЭХ СУРВАЛЖ: ЭРЭННЬЮС.МН
